更多
2022-05-19
923 瀏覽
好耐冇約一大班朋友一齊食有朋友指試過間唔錯架工廠餐廳我哋8個人冇book位即日攞位所以要分兩枱,中間夾住一條柱Book位應該會好啲MENU選擇唔係好多,我哋當日仲有朋友要介牛同部分海鮮(當然我哋照叫牛冇理佢)叫餐前見佢旁邊有個即日限定MENU因為坐唔到大枱就分開咗4個人一枱我哋枱就叫咗豬鞍,封門柳,明太子長通粉同北菇雞飯🤣(個名好搞笑),仲有一個煙三文魚多士,同一客柚子雞翼朋友都各叫咗杯嘢飲,我叫水果茶,朋友叫咗朱古力朱古力上枱超靚,仲有幾粒棉花糖係上面,超邪惡,但一定好好味($55)我叫的水果茶就比較淡口但好解渴($30)明太子長通粉味道啱啱好,牛油果偏硬,蟹肉味就唔係好出,明太子味道搶晒,但個汁整體都好夾長通粉($109)豬鞍超推薦,好軟又入味,只係有部分少少肥,雖然冇跟任何配料,薯條同薯蓉都冇淨係送咗少少椰菜仔,但係都足以食到一試難忘,全部朋友都話好好味,一定要試吓($139)北菇雞飯個名已經好得意,佢真係冇呃你係雞柳同埋冬菇,但係配左西式牛肝菌汁成件事已經唔同咗,冇諗過加埋牛肝菌汁可以咁夾,飯上加咗兩塊芝士脆脆,都係非常之夾成個味道,我覺得成件事食落感覺好溫和,但係個名改得好特
有朋友指試過間唔錯架工廠餐廳
我哋8個人冇book位
即日攞位所以要分兩枱,中間夾住一條柱
Book位應該會好啲
MENU選擇唔係好多,我哋當日仲有朋友要介牛同部分海鮮(當然我哋照叫牛冇理佢)
叫餐前見佢旁邊有個即日限定MENU
因為坐唔到大枱就分開咗4個人一枱
我哋枱就叫咗豬鞍,封門柳,明太子長通粉同北菇雞飯🤣(個名好搞笑),仲有一個煙三文魚多士,同一客柚子雞翼
朋友都各叫咗杯嘢飲,我叫水果茶,朋友叫咗朱古力
朱古力上枱超靚,仲有幾粒棉花糖係上面,超邪惡,但一定好好味($55)
我叫的水果茶就比較淡口但好解渴($30)
明太子長通粉味道啱啱好,牛油果偏硬,蟹肉味就唔係好出,明太子味道搶晒,但個汁整體都好夾長通粉($109)
豬鞍超推薦,好軟又入味,只係有部分少少肥,雖然冇跟任何配料,薯條同薯蓉都冇淨係送咗少少椰菜仔,但係都足以食到一試難忘,全部朋友都話好好味,一定要試吓($139)
北菇雞飯個名已經好得意,佢真係冇呃你係雞柳同埋冬菇,但係配左西式牛肝菌汁成件事已經唔同咗,冇諗過加埋牛肝菌汁可以咁夾,飯上加咗兩塊芝士脆脆,都係非常之夾成個味道,我覺得成件事食落感覺好溫和,但係個名改得好特別
雞翼就炸得好脆,配埋柚子汁好開胃,鍾意酸啲可以加埋旁邊嘅青檸,仲送咗幾條青瓜俾你一齊食
封門柳切到片片,唔使自己切,有跟薯條,薯條好好食外脆內軟,封門柳反而有啲失望,從朋友口中得知細碟咗,加上可能調味時唔係太平均,一半太咸一半太淡,但個封門柳的確係好霖好好食
接近食晒全部嘢都未見煙三文魚多士,問咗員工之後都再等多陣先到,唔知係咪唔記得咗
煙三文魚上面配咗三文魚子😍成件事個樣高級咗,煙三文魚普通唔會太咸
天氣如何幾好時坐出戶外都幾好,戶外枱有小夜燈好有氣氛,成間餐廳裝修都好靚
張貼