FLIPPER'S (已結業)

唸住呢間會好食，有格調，怎知同銅鑼灣另一個出名的競爭對手相比，呢度服務態度似一般茶餐廳。要先到收銀處買票，不打緊，但收銀服務員沒什麼禮貌，問及會唔會有收據時，唔耐煩地答“等陣“，我唔係問点解未有，係問會唔會有，我見已經有個號碼牌，唔知仲使唔使企响度等。我未食已經對此店大打折扣，加上座位擠迫，一排面牆座位，但和隔離相隔太近，唔舒服食tea係大忌！至於食物，個pancake上唔係太多醬，所以食食下會覺得好乾，咁都唸住有啲生果响度滋潤下，唉，除左嗰幾塊香蕉，嗰啲士多啤梨及藍莓好酸，好不容易才吃掉。結論係：唔會推介呢間！