侍元 (已結業)

今日行到黃大仙廣場，見到有一間新開嘅日本麵餐廳，便入去試吓新野。餐廳要自行點餐自行搵位，方式有啲像快餐店，但食物一啲都唔快，食物大約等15至20分鐘左右。套餐種類都算很多，有飯有麵有牛有鰻魚，而且價錢都好大眾化。我點了一個別府拉麵，辛辣味。辣味很足，但卻不知道是什麼湯底，燒肉只有一薄片，流心雞蛋還可以，但麵質就唔得，有啲似公仔麵咁樣，同我平時去開嗰啲日本餐廳食差好遠，咁當然價錢都爭好遠，始終呢度賣點係大眾化同埋平民化。想食日本嘢但又唔想太過講究嘅話，呢度多一個選擇。老公就點了一個牛肉鰻魚飯，其實如果配套餐食真係幾抵食，不過鰻魚就梅口咗少少，牛肉厚身咗少少同偏肥，味道還可以，不過不失。反而炸榴槤彈就真係幾好食，咬下去都幾香口，榴心榴槤好香，呢個食完有啲想再追加。至於炸雞，外皮太厚，而且比較油，不過味道就幾好味。