44
19
2
等級4
話說我一直都知道「茶咖里Congteakafe」呢間餐廳嘅存在,但從來都無認真搵下佢喺邊,原來佢勁近屋企😅,亦好近西營盤站B3出口。不過佢嘅位置確係好隱蔽,正常行嚟行去其實都唔會留意到的,但佢已經有放易拉架吸引客人呢。星期日下午瞓醒起身後就的起心肝去試吓,但都抱點碰運氣嘅心態前行,因為近期見網上有人討論佢💛,驚要等位。好彩我哋去到發現座位都幾多,亦都唔洗等✌🏻。簡單介紹番餐廳嘅環境,座位區主要分咗三段。首先,就係行入門口嘅半露天座位,上面係咁咦搭咗帳蓬,但落雨🌧應該擋唔到。部份座位更加設喺渠道上面...。第二就係好珍貴嘅兩張室內卡位雅座,因為係唯一有冷氣嘅地方😌,而收銀處同水吧亦係設喺該處。第三就係再行入去嘅偽室內座位,實則係廚房後欄嚟...,而且比較迫同焗促。個人感覺麻麻,寧願坐番門口位。不過我未食嘢就先俾蚊咬咗一大啖😭。餐廳採用QR Code自助落單,都幾方便易用,而且出錯機會亦會相對降對。但變相店員更加少嘢做...,可惜咁嘅情況下佢哋服務都唔見得好好,唔算有禮貌囉,絕對有改善嘅空間🙏🏻。不過好彩佢哋嘅食物出品有番咁上下質素,先令人不致於失望而回😊。餐廳食物主要係行新派茶餐廳路線,
更多
25 瀏覽
0 讚好
0 留言
話說我一直都知道「茶咖里Congteakafe」呢間餐廳嘅存在,但從來都無認真搵下佢喺邊,原來佢勁近屋企😅,亦好近西營盤站B3出口。不過佢嘅位置確係好隱蔽,正常行嚟行去其實都唔會留意到的,但佢已經有放易拉架吸引客人呢。
32 瀏覽
0 讚好
0 留言
星期日下午瞓醒起身後就的起心肝去試吓,但都抱點碰運氣嘅心態前行,因為近期見網上有人討論佢💛,驚要等位。好彩我哋去到發現座位都幾多,亦都唔洗等✌🏻。
17 瀏覽
1 讚好
0 留言
簡單介紹番餐廳嘅環境,座位區主要分咗三段。首先,就係行入門口嘅半露天座位,上面係咁咦搭咗帳蓬,但落雨🌧應該擋唔到。部份座位更加設喺渠道上面...。
25 瀏覽
0 讚好
0 留言
第二就係好珍貴嘅兩張室內卡位雅座,因為係唯一有冷氣嘅地方😌,而收銀處同水吧亦係設喺該處。
11 瀏覽
0 讚好
0 留言
第三就係再行入去嘅偽室內座位,實則係廚房後欄嚟...,而且比較迫同焗促。個人感覺麻麻,寧願坐番門口位。不過我未食嘢就先俾蚊咬咗一大啖😭。
15 瀏覽
0 讚好
0 留言
餐廳採用QR Code自助落單,都幾方便易用,而且出錯機會亦會相對降對。但變相店員更加少嘢做...,可惜咁嘅情況下佢哋服務都唔見得好好,唔算有禮貌囉,絕對有改善嘅空間🙏🏻。
10 瀏覽
0 讚好
0 留言
不過好彩佢哋嘅食物出品有番咁上下質素,先令人不致於失望而回😊。餐廳食物主要係行新派茶餐廳路線,經典常餐、本地小食、菠蘿包、炒飯意粉同全日早餐等,通通都有。
12 瀏覽
0 讚好
0 留言
我哋兩條友食咗三個餐,嚇親阿姐😜,不過輕鬆食哂無難度。但其實每份餐本身個份量都好足,唔會唔夠飽!
滑牛通粉配火腿炒蛋厚多士
$46
14 瀏覽
0 讚好
0 留言
🍽經典常餐HK Style Regular Set H2:滑牛通粉配火腿炒蛋厚多士Beef Macaroni w/ Ham & Egg Toast($46)🍽
滑牛通粉
14 瀏覽
1 讚好
0 留言
依份常餐價錢正正常常啦,店員首先為我哋送上滑牛通粉,個湯夠熱的,幾濃雞湯味同奶香。通粉賣相平平無奇,但都有吸引之處,就係佢落咗粟米🌽同用咗無坑紋嘅通粉。至於滑牛🐮簡直係驚喜之作,食得出餐廳係有醃過啲牛肉,而且仲有稍為煎香。牛味濃郁,肉質頗嫩的。
火腿煎蛋厚多士
9 瀏覽
0 讚好
0 留言
火腿煎蛋厚多士,🥚蛋嘅煮法有得揀,例如炒蛋、太陽蛋、反蛋同煎熟蛋,我哋要咗煎太陽蛋🍳,沒有過熟。火腿有兩塊,而厚多士亦都烘得唔錯,但要問店員先有牛油。
芝士火腿奄列配班戟全日早餐
$68
8 瀏覽
0 讚好
0 留言
🥗全日早餐A2:芝士火腿奄列配班戟全日早餐Cheese & Ham Omelette Pancake All-day Breakfast($68),基本早餐材料仲包埋香腸、煙肉、蘑菇、茄汁豆、蕃茄同沙律。🥗
芝士火腿奄列配班戟全日早餐
$68
9 瀏覽
0 讚好
0 留言
我不嬲都覺得全日早餐好搵笨,但今次竟然嗌咗,係因為見價錢$68唔算貴,加上我更加諗唔到份量咁多(每樣食材嘅單位係二呢😍)!味道就見仁見智啦,我覺得還可以,始終呢啲料點煮都唔會話好食得去邊。🧀芝士火腿奄列勁大件,可能有成三隻蛋?蛋亦都唔老。香腸就係短嘅紐倫堡腸,另外仲有我最鍾意嘅蘑菇🍄。我食咗一半奄列先醒起下面係有三塊班戟,食哂真係無可能會餓。
蜜糖鬆餅西多士
$32
14 瀏覽
0 讚好
0 留言
🥞下午茶餐T7:蜜糖鬆餅西多士French-toast English Muffin w/ Honey($32)🥞
蜜糖鬆餅西多士
$32
9 瀏覽
0 讚好
0 留言
我哋見到個菜名就覺得好吸引,造型確係唔錯...,但味道就有啲伏,如果想試嘅,我建議可以省略🙈。佢係Muffin同西多嘅混合版,感覺似拎兩塊Muffin包用煎西多嘅方法去煮,所以個樣係似圓形Pancake的。但食落口感比較硬同乾身,唔係好易入口,而且嚿包本身無味,只能靠蜜糖🍯調味。
薄荷茶
7 瀏覽
0 讚好
0 留言
每個餐都跟飲品,我哋叫咗三個餐,即係有三杯嘢飲🤣。呢到嘅凍飲要加$4‼️,好貴好誇張,不過無計,環境太熱,無凍飲會溶。根據我身旁位熱愛茶記文化,甚至做過下水吧嘅朋友講,呢度嘅茶餐廳出品(凍奶茶凍檸茶、通粉之類),係好有水準👍。我唔係專業,但飲落都幾好。檸茶做到少甜,亦唔太澀。除咗港式飲品外,呢度仲可以跟花茶,唔洗加錢,我要咗🌿薄荷茶,個鐵茶壺同酒樓茶杯都好有特色,唔係港女呃Like嗰種,哈哈。
15 瀏覽
0 讚好
0 留言
題外話,我想再講多少少關於對餐廳環境嘅睇法。老實講,上網睇相以為餐廳幾適合打卡,但親身嚟到後,最大嘅感覺係好熱☀️,好想快啲食完躲去有冷氣嘅地方。我覺得餐廳其實有啲似地茂茶檔,衞生情況一般。如果嚟呢度開餐,睇定天氣預報比較穩陣。
20 瀏覽
1 讚好
0 留言
總括嚟講,呢次嘅用餐體驗有好、有唔好,不過點都係食物味道最重要,特別係佢嘅🇭🇰港式常餐十分出色,雖然係普通材料,但要做到好食唔係咁簡單😋,大家都知啦,市面上充斥住大量劣食茶記。我哋嗌咗三個餐,總共$154,價格算合理,考慮到佢行嘅路線,我以為定價會進取啲。最後,我亦上載埋餐廳嘅詳細餐牌供各位參考🤤。
101 瀏覽
0 讚好
0 留言
94 瀏覽
0 讚好
0 留言
67 瀏覽
0 讚好
0 留言
67 瀏覽
0 讚好
0 留言
72 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2020-05-31
用餐途徑
堂食
人均消費
$75 (午餐)
推介美食
滑牛通粉
芝士火腿奄列配班戟全日早餐
$ 68
薄荷茶