Picoso

營業中

休息中

心血來潮想試下新口味，經網上尋找了間墨西哥餐廳，決定一試。餐廳喺工廈入面，估唔到佢裝修又幾精緻。成間餐廳嘅裝修都充滿墨西哥風情先叫了墨式大蝦雜錦海鮮芝士焗飯，朋友選擇了墨式香烤牛扒鐵板餐，小食挑選咗我喜愛的炸魷魚圈配他他醬。鐵板上枱時配上薄餅，嘩！薄餅熱辣辣，口感外脆內軟，又可配上唔同嘅醬汁，夾上十分美味。我嘅海鮮飯面有濃濃的芝士，啱曬我口味。最後炸魷魚圈非常脆口 ，一個接一個食，不願停下來。實在太飽了，飲杯果酸梳打， 終於可以殺青份量不少的海鮮焗飯。其實有好多小食的選擇，例如炸蝦餅，水牛城雞翼，玉米脆餅都係我的喜愛，下次要再嚟再嘗試呢啲小食！鍾意嘅食辣嘅朋友更加要來呢度試吓，呢度有七款唔同程度既辣，可以俾你挑戰。