秘 (謝斐道)

營業中

休息中

星期五原本去食壽司，但超多人等，於是就去咗對面呢間燒牛肉試吓，係朋友發現門口個餐牌幾吸引，價錢又唔貴，仲有個火爐仔俾客人自己燒，有跟飯、湯及糖心蛋，所以決定一試。我哋兩個人叫咗兩份安格斯牛肉，仲叫咗碟牛舌。其實佢個餐牌好多選擇，仲見到隔離檯燒緊啲吉列牛，非常香，但我哋都係揀啲最原始嘅菜式。嚟到之後覺得份量好足料，仲有個蘿蔔湯，冇乜味但岩哂配啲濃味嘅食物，啲牛肉唔係薄嘅，個飯熱辣辣，啲牛仲未燒，但見隔離檯碗飯出哂煙，我就急不及待即刻試啖飯先，真係好好味。食住個蛋送飯，一邊好忙咁燒牛肉及牛舌。碗飯好熱，好好味。好忙碌要燒牛肉又要燒牛舌，等2-3分鐘都食得，我燒燶咗啲牛，覺得更好味！價錢一啲都唔貴，記得要飲可樂。午餐或晚餐都一定會嚟再食。