WOFT (已結業)

放工要鬆一鬆，朋友就介紹左係旺角既新地方。餐廳設有吧枱，同埋比人橕枱腳既座位，拍拖拖都好岩去。由於我地仲未食晚飯，就無坐到吧枱。餐廳以狼作為主題，餐廳名WOFT夠哂貼題，woft~(其實係見到店員既制服先知)望餐牌先知呢到有串燒，見到就口痕，貪得意叫少少。燒鮮味海螺兩串，雖然唔算大粒，但就係彈牙貨色，睇黎真係新鮮海螺。調味唔會過濃，可以食得返淡淡既螺肉味道之後既皇牌燒牛舌係超級好食，好厚好厚，一啲都唔un，一咬就分離，質感嫩。一定會再黎食返。超強烈推薦!!!!!!!!!!最後一樣串燒係麻吉年糕燒，燒燶左少少。外層魚肉彈牙,內部軟糯，醬汁甜度適中。也很好食完小食，就食返個飽肚既黑松露肉醬千層麵。黑松露味道唔算特出，但整體係個好食既肉醬千層麵。麵醬比例MATCH，讚既係麵既彈性，有口感，唔係粉碎。肉醬惹味，肉粒有咬口，食得出係自家新鮮製。