牧羊少年咖啡館 (Fashion Walk)

營業中

休息中

今日放假想同老婆食好啲，見好耐冇行過銅鑼灣，早就同老婆行下睇下有咩好嘢食，行過見到有間叫“牧羊少年”嘅餐廳。呢排好hit成日聽到佢個名，仲好似有好多間分店。望入去啲裝修又幾靚，所以就入去試下。原來呢間嘢係食西餐，仲有all day breakfast 食，但今日想同老婆食好啲，所以就叫咗其他類型嘅西餐，上網搵個資料，佢哋啲意粉/pizza/小食都好出名。黑椒香蒜煙鴨胸意大利粉：一嚟到發覺已經好吸引眼球，擺盤擺得好靚，鴨胸唔會啖啖油，食落去好香嘅黑椒味，層次分明。風沙蒜香雞肉排：其實即係避風塘炸雞扒，塊雞扒好似手掌咁大塊，炸得好香脆又唔油膩，醃得好入味。鮮忌廉黑松露醬雜菌長通粉：好香黑松露味，而且好creamy，份量都好足。呢度環境真係好好，仲有個書架可以借書睇，真係relax嘅一個好地方。食完嘢仲可以慢慢休息。睇咗一陣書又覺得肚餓，所以再叫多個pizza同豬扒，佢哋個pizza係即叫即做超級新鮮好食。仲有個“荷蘭汁豬扒”超級軟滑同juicy。下次一定要嚟食埋佢個all day breakfast先夠喉。