金山海鮮酒家

營業中

休息中

皮蛋海蜇~特別之處係加入左子薑令皮蛋嘅香味更上一層樓，呢個時候再夾一啖海蜇簡直令人胃口大開係每次去酒樓食飯前菜嘅必選。蜜汁叉燒王~菜如其名係叉燒界嘅傳奇之作，咬落半肥瘦碳燒嘅口感加上淡淡嘅蜜汁香味，使人喺短短5分鐘內將全碟清空一件不留。芝麻蝦餅~圓轆轆嘅蝦餅賣相可愛配合粒粒嘅芝麻香已經令人口水直流，再配合伴碟嘅沙律醬咬落外脆內軟嘅口感，實在係一家大細晚飯嘅好選擇。沙嗲肥牛煲~用鐵煲裝住嘅沙嗲肥牛煲將肥牛同金菇結合得天衣無縫，其中加入新元素芽菜令整道菜式變得美味非常用以拌飯實在一流。