高興+ (已結業)

今日係隨機地嚟到北角，行過見到裝修特別嘅餐室門口有餐牌，下午茶都只係30幾蚊，非常良心價一入門口見到有裝潢走懷舊風，樓底好高，長長嘅吧枱入面有幾位侍應姐姐工作好快店員就打帶我哋坐低。牛油果係我近年至愛，平時買牛油果平均都要10蚊以上，哩到茶餐30幾就有多士 (仲要加隻蛋)，真係唔食都對唔住自己。當然醬料唔多，檸汁同青紅椒加埋有點蓋過牛油果味，建議可提供加錢加牛油果嘅選項。總括地方坐得舒服，座位鬆動，食品性價比高，非常適合坐坐傾偈。