Moon Thai (已結業)

想喺上環食泰國菜,環境又舒適既話,我會諗起Moon thai呢度。畢竟呢度都係位於酒店裏面,唔需要同人逼,枱與枱之間距離寬闊,有一定私隱度。呢度有indoor同outdoor,而家天氣咁熱當然揀有冷氣嘅室內啦。是日黎到啱啱過咗最多人嘅lunch hour,2pm仍有semi lunch buffet供應,但我哋又唔算好肚餓就決定散嗌。叫咗一份烤雞,大蝦柚子沙律,冬陰公湯同埋熱既泰式奶茶。冬陰公湯係我成餐飯最鍾意嘅一道,酸度辣度恰到好處,材料十分充足,好多秀珍菇同蝦,呢個湯好好飲,值得推介。大蝦柚子沙律都係足料嘅,酸酸甜甜好開胃,大蝦彈牙泰式烤雞就爭啲,冇乜特別,雞比較瘦,好有骨感熱泰式奶茶就一壺上,茶味濃,奶幼滑,好飲。順帶一提,我哋3點幾食緊嘅時候就不斷有清潔員工係我地附近拖地,其他員工又好似趕落場咁(不過佢地無叫我地走既),只係以酒店餐廳嚟講,感覺就有啲唔係咁舒服。