金鶴拉麵 (九龍城道) (已結業)

見到網上咁多好評，特登搭地鐵去土瓜灣食，其實都幾近地鐵站，但係結果去到發現冇乜人。雞湯唔濃，但係味精好多，食完之後勁口乾。雞白湯嘅雞胸肉冇味嘅，乾爭爭，我諗應該係白炤雞胸。炸牛蒡好大舊，但係苦。拉麵唔夠彈牙，冇口感。唯一好食嘅係溫泉蛋，同埋啲麵同肉好多，一個人食唔晒。豉油湯麵就冇乜特別，茶記水準。不過紫菜就比較多，叉燒OK但係冇乜點火炙。呢個價錢來講，真係唔抵食。如果你想試吓伏唔伏嘅話，你都可以嚟試吓嘅。