為食火鍋公司

營業中

休息中

今日黎左牛頭角港鐵站附近既呢間火煱雞煲任食，第一個既感覺就係呢度個環境係我見過同類型餐廳數一數二乾淨新淨既。佢仲設有卡位，適合三五知己一邊傾計一邊烚下烚下。食物方面雖然餐廳係叫主打火鍋雞煲，但我見佢餐牌上面其他種類散叫既野食都有好多，同3心2意既人一齊食都冇有怕。我同朋友2個人就選擇左$238 既套餐。個餐包括以下只供應一次的：前菜，3色刺身，海鮮盤4-6款新鮮海鮮，牛小排，精選甜品。另外以下就係無限encore 既：雞煲配三寶 西班牙黑豚肉 三寶丸 三色餃 紫菜響玲 炸魚皮 生根 自取菜籃重點推介：刺身係新鮮甜美既，雞煲就算嗌唔辣都香口而雞滑，精髓係三寶水魷，豬皮同牛柏葉，放落雞煲到入哂味。牛豬肉類份糧唔大但料靚精緻，另外呢度既丸類同埋餃類好好味，以為呢啲都係配菜質疑點知食落原來好有驚喜。紫菜響玲又特別又好味。蔬菜就好新鮮同埋好貼心，佢將啲菜分類同埋部份係一籃子既雜錦，方便懶人唔洗自己逐樣去拎。總括黎講，呢個餐食物種類唔太多，但每樣都係質素保證，呢個價黎講整體性價比係幾高，仲要係環境舒適乾淨冷氣夠，秋冬邊爐又多個好地方喇。