六樓後座冰室 (已結業)

在得寶商場聽說有一間行懷舊風的茶餐廳，而且聽聞是有位明星老闆在後，明星效應加持下這個當然令我興趣十足，一定要試吓啦。所以約了兩位飯腳就一齊喺復活節假期來一個晚餐聚會。當然一定要試一啲地道嘅小菜！看看有幾懷舊幾正宗。首先就係鹹蛋蒸肉餅啦！沒有什麼驚喜、不過不失啦，肉餅嘅厚度同埋肉嘅質地有改進空間，油量可接受。再試涼瓜肉片，涼瓜還好沒有過分洗水令到一點甘味都無，雖唔爽口，但整體還可以。最後就係試一試個煲，海鮮來講就只有魷魚鬚、蝦仁和蝦乾。味道唔錯不過大煲d就更好。最有驚喜就係大家食晒三道菜口痕，就叫了一個雞翼餐，沙律並不是重點，脹卜卜的雞翼內裏還有白菌和流質芝士反而是亮點。 常餐真係做到夜晚黑都有得嗌呢一點應該最體會到舊式茶餐廳了。小結：不過不失。題外話：這裏的裝修好味而且不斷播放舊歌，算是有點心思。