影片
更多
2021-04-15
22 瀏覽
今次嚟到呢一間漢堡店放工時間過到嚟都幾多人，入邊環境都幾舒服可以坐室外或者室內。諗咗好耐決定叫特量芝士牛肉漢堡同軟殼蟹漢堡，另外仲叫咗個單骨雞翼配蜜糖芥末醬。首先嚟咗個單骨雞翼一上台已經聞到好香，食落去係極度非常之香脆。非常鍾意佢嘅蜜糖芥末醬，芥末味唔會太過攻鼻，食落去係清楚食到有少少甜嘅蜜糖味，非常之開胃！配埋呢個單骨雞翼食一流仲啖啖肉添。到兩個漢堡上到嚟嘅時候真係嘩一聲因為都幾大份。隻軟殼蟹係比平時出邊食嘅大一半，打開個漢堡見到軟殼蟹係好厚肉，咬落去香脆同鮮甜。配菜同佢嘅醬汁係超夾。特量芝士牛肉漢堡都好大份！一嚟到已經見到芝士好似瀑布咁流出嚟，漢堡食落去好重牛味，芝士味都濃郁。食到最後爭啲食唔晒而且佢嘅漢堡包係有烘過，食落口仲好香好鬆脆，食到後面又唔會因為醬汁而濕到爛。食晒啲漢堡之後先至開始食埋未食完嘅雞翼，竟然仲係脆！前前後後都過咗10幾分鐘雞翼完全冇諗到而且仲係咁香脆超贊！另外我哋叫咗個自家製嘅蜜桃冰茶，入邊真係有少少蜜桃肉。杯冰茶有蜜桃香味得來又唔會太甜，唔想飲咁甜嘅可以一試。臨走嘅時候見到佢有個冰櫃有之前去澳洲旅行好鍾意飲嘅嗰隻果汁！推介大家都可以試吓呢隻個隻！
諗咗好耐決定叫特量芝士牛肉漢堡同軟殼蟹漢堡，另外仲叫咗個單骨雞翼配蜜糖芥末醬。
首先嚟咗個單骨雞翼一上台已經聞到好香，食落去係極度非常之香脆。非常鍾意佢嘅蜜糖芥末醬，芥末味唔會太過攻鼻，食落去係清楚食到有少少甜嘅蜜糖味，非常之開胃！配埋呢個單骨雞翼食一流仲啖啖肉添。
到兩個漢堡上到嚟嘅時候真係嘩一聲因為都幾大份。隻軟殼蟹係比平時出邊食嘅大一半，打開個漢堡見到軟殼蟹係好厚肉，咬落去香脆同鮮甜。配菜同佢嘅醬汁係超夾。特量芝士牛肉漢堡都好大份！一嚟到已經見到芝士好似瀑布咁流出嚟，漢堡食落去好重牛味，芝士味都濃郁。食到最後爭啲食唔晒而且佢嘅漢堡包係有烘過，食落口仲好香好鬆脆，食到後面又唔會因為醬汁而濕到爛。
食晒啲漢堡之後先至開始食埋未食完嘅雞翼，竟然仲係脆！前前後後都過咗10幾分鐘雞翼完全冇諗到而且仲係咁香脆超贊！
另外我哋叫咗個自家製嘅蜜桃冰茶，入邊真係有少少蜜桃肉。杯冰茶有蜜桃香味得來又唔會太甜，唔想飲咁甜嘅可以一試。臨走嘅時候見到佢有個冰櫃有之前去澳洲旅行好鍾意飲嘅嗰隻果汁！推介大家都可以試吓呢隻個隻！
張貼
