五代同糖 (已結業)

食完元氣行去食糖水,名就聽得多,未食過呢間甜品店,就入去試下啦!入到去只得3枱人,所以好靜,傾計一流!

甜品店係新開,所以枱椅都好新,冷氣好凍!

楊枝金露雪花冰>>嘩,店員扲到來,我地真係!好大碟呀!!講番味道,佢一層層咁,好得意,好好味!好香芒果味!夠凍,入口即溶!正!

火焰雪山>>係用蛋白整出來,入面有雪糕同蛋糕,雪糕可揀朱古力/雲呢拿/綠茶味,我就揀咗綠茶,味道好甜,好香,仲好大份,不過呢個好"漏"!

因為唔知咁大碟,我同太太食完之後真係捧住個肚走!勁飽!