Pho Home

今日經過旺角，見到呢間新開嘅越南餐廳，裝修得幾有越南風情，睇吓餐牌，d食物種類都幾多，價錢都唔貴，所以入去試吓。

手打蝦餅(大)
炸餅外皮炸得好香脆，唔會太油膩，蝦餅非常爽口彈牙，點埋雞醬食一流。

地道越式炸香卷
啱啱炸起，熱辣辣，外面好鬆脆，入面涵料非常足料，唔錯。

豬扒炒金邊粉
份量都幾多，豬排好嫩，一d都唔柴，金邊粉炒得有鑊氣好乾身， 唔會太油膩。

越式香茅雞翼撈檬粉
雞翼好重香茅味，幾香口，雞肉好juicy,檬粉好彈牙，個粉酸酸甜甜，好開胃。

鮮世果沙冰
應該係用真果肉打成沙冰，好香芒果味，唔會太甜，上面仲有芒果果肉，正。