蝦蝦燒 (已結業)

任食2.5小時，食到個肚飽突突，自己夾蝦，然後放落冰桶凍暈佢，再放上爐燒，幾新奇，有得玩又有得食😋。海鮮方面，有蠔、貝類、峴、蟹🦀️、魚🐟、蝦、螺等等，都幾多選擇，個人覺得蟹有少少驚喜，幾鮮甜！不過，扇貝就有啲失望，咬落啲肉比較散，其他都不過不失。仲有大量串燒款式選擇，例如牛、豬、羊、雞肉類、台灣腸、日本蕃薯仔、豬大腸等等，多到試唔哂！小小熟食區，有醉蝦，冬陰公蝦、魚蛋等等，可以係等緊燒熟海鮮既時候，夾啲嚟試下～飲品區都有好多款式可以選擇，常見既飲品，如解茶、汽水、啤酒、甚至燒酒都有。較失望係雪糕區，有cocoberry 雪糕杯、阿菠蘿雪糕雪條等選擇，相對無咁吸引。