更多
2021-03-16
880 瀏覽
今次介紹既呢間💛cafe以前無而家咁多分店既時候就已經想試，早幾日去開新都會廣場行完街就順便去懲罰一下😼葵芳分店係正葵青劇院隔離，當日我地揀左戶外帳篷下既座位黎坐，環境幽靜仲好夠開揚，尤其係而家天氣唔熱，坐係度用餐別有一番感覺😌 當日cafe仲有播放國語同英文流行音樂🎵令人感覺好chill，好似去左台灣cafe一樣咁慢活🥰 而最觸及我心既係呢度本menu，原因並非係食物相片有幾吸引或者菜式有幾特別，而係佢好似一本雜誌咁富有資訊性，令客人知道佢地有二手書捐贈慈善活動📚、走塑外賣用具🥡、自攜咖啡杯優惠🥤同明信片售賣同代寄服務📮，係一間非常有溫度既cafe💗******************************✨ 鮮忌廉黑松露醬雜菌長通粉🍝 ($78)長通粉上桌既時候就已經聞到佢既洋蔥味🧅同芝士味🧀都幾勁，唔好芝士既人可能會覺得陣味有d臭，好在食落就無呢種感覺😂忌廉汁幾夠味但就略嫌未夠香濃，黑松露既味道被芝士既濃味蓋過其實食唔出🙈長通粉彈牙唔會過稔，初時以為份量唔係好多，原來隻碟既容量都幾深🧐 足料既雜菌🍄加上爽脆既洋蔥粒唔會太單調，只係本人唔鍾意食生洋蔥就覺得佢既存在破壞左我對呢客長
今次介紹既呢間💛cafe以前無而家咁多分店既時候就已經想試，早幾日去開新都會廣場行完街就順便去懲罰一下😼
葵芳分店係正葵青劇院隔離，當日我地揀左戶外帳篷下既座位黎坐，環境幽靜仲好夠開揚，尤其係而家天氣唔熱，坐係度用餐別有一番感覺😌 當日cafe仲有播放國語同英文流行音樂🎵令人感覺好chill，好似去左台灣cafe一樣咁慢活🥰
而最觸及我心既係呢度本menu，原因並非係食物相片有幾吸引或者菜式有幾特別，而係佢好似一本雜誌咁富有資訊性，令客人知道佢地有二手書捐贈慈善活動📚、走塑外賣用具🥡、自攜咖啡杯優惠🥤同明信片售賣同代寄服務📮，係一間非常有溫度既cafe💗
******************************
✨ 鮮忌廉黑松露醬雜菌長通粉🍝 ($78)
長通粉上桌既時候就已經聞到佢既洋蔥味🧅同芝士味🧀都幾勁，唔好芝士既人可能會覺得陣味有d臭，好在食落就無呢種感覺😂
忌廉汁幾夠味但就略嫌未夠香濃，黑松露既味道被芝士既濃味蓋過其實食唔出🙈
長通粉彈牙唔會過稔，初時以為份量唔係好多，原來隻碟既容量都幾深🧐
足料既雜菌🍄加上爽脆既洋蔥粒唔會太單調，只係本人唔鍾意食生洋蔥就覺得佢既存在破壞左我對呢客長通粉既觀感😂 (好彩食完無口臭🤭)，個人認為呢個價錢算係不過不失🤔
-
✨ 千島海鮮薄餅🍕 ($138)
呢度既pizza屬於正常size一個分到6塊，雖然薄批既口感同厚批相比點都會爭d，但論卡路里既話薄批絕對係完勝😼Pizza既批邊夠香脆，中央鋪上混合既車打芝士同巴馬臣芝士🧀口感煙韌，加埋千島醬甜甜地既味道，令人胃口大開🤣
值得欣賞既係呢度既製作夠用心，每一塊pizza都好平均咁有齊墨魚仔、蝦仁同蟹柳仲鋪得好四正；墨魚仔🦑夠彈牙，蝦仁🦐就非常鮮味爽口，絕非急凍貨質素👍🏻
雖然呢個pizza並唔油膩，餡料亦算係健康之選，不過個人覺得味道淡左少少🤏🏻，如果加返少少海鹽調味相信會更好🤨
-
✨ 卡魯哇咖啡酒提拉米蘇🍨 ($68)
Tiramisu由3層意大利軟芝士同兩層浸左咖啡酒既手指餅組成，層次比坊間食到既多🤩
芝士層杰得黎夠滑，口感有d似mousse，中間仲夾雜左d朱古力粒幾有口感；手指餅濕潤度適中，不過咖啡酒既味道就唔太明顯，用朱古力甜品🍫黎形容反晒比較貼切🤨
⚠️值得注意既係面頭既朱古力粉都幾多，食既時候要比較小心❗️
-
✨ 哈利奶油啤酒咖啡🍺 ($78)
見到個名就諗返起之前係大阪🇯🇵環球影城哈利波特園區🏰飲過既奶油啤酒🙈，只係呢杯除左係真·啤酒之外同時亦係由台灣第一屆咖啡大師冠軍林東源老師所設計既創意咖啡系列之一，所用既咖啡豆亦係由老師主理既品牌Gabee烘焙☕️
店員送上啤酒咖啡🍺時有溫馨提示攪拌時要慢慢黎，因為啤酒既氮氣會令杯內液體谷上黎🌫😲頭幾啖飲既時候會令人覺得啤酒既麥味好重，咖啡嘅味道唔太飲到，不過持續攪勻之後就無咁苦澀，慢慢細味先至隱約飲到咖啡既回甘🤔
整體而言呢杯啤酒咖啡既味道偏重，未必個個女仔都鍾意🙊
******************************
👧🏻人均消費：$180 (另+10%服務費)
😋味道指數：3.5/5
💰抵食指數：3/5
🪑環境指數：3.8/5
💁🏻♀️服務指數：3.5/5
👍🏻再訪指數：3.8/5
-
📍牧羊少年咖啡館
地址：葵芳興寧路12號葵青劇院地下2號舖
⏰營業時間：11:00–22:00 (Mon–Fri & Day before Public holiday)；
08:00–22:00 (Sat–Sun & Public holiday)
(📍銅鑼灣、尖沙咀、太子、將軍澳、屯門、沙田亦有分店，營業時間有所不同)
張貼
