羅麥記 (青衣城1) (已結業)

行過求其入左間，因為唔洗等位。嗌左三個晚餐，第一個到係黑椒牛肉焗飯 , 汁多過飯，勁鹹，食完又唔夠飽。另外一個蜜桃魚柳飯，餸係多過飯，講緊餸只係正常份量，可想而知係幾少飯。 之後叫左員工補番個白飯，都補左成十分鐘。另一個海鮮炒飯就不過不失。然後追左杯凍檸樂追到最後一個飯都食左一半 ,白飯都補左，先知原來落漏野飲。總結成餐飯食到成肚氣，啲員工又好似長期見你唔到咁，呢間野價錢都唔係特別平，但受到咁既待遇，以後唔會再食。