麗宮 (已結業)

昨日同家人食中秋飯，因遲了幾分鐘，酒樓部長鍾少芬便打來我手機催迫，話點解仲未黎， 言談間態度惡劣！ 惡言相向！未講完便俾她cut線！本來我已經想打退堂鼓，但媽咪說訂了位就算了，不要去其他地方再等位，所以唯有硬著頭皮去食！去到酒樓都好多人！首先上來的是魚生刺身。一食就覺得不太新鮮，顏色暗淡， 味道亦麻麻。始終酒樓和魚生不太match!然後下一碟應該是龍蝦伊麵，但上的是炸魚蛋？？！！次序混亂，而且等了成個鐘先上得2碟菜！！！之後本應有佛跳牆食，另一位部長說已無了，只可以食翅。我覺得好奇怪，明明我們早一個星期訂了菜單套餐，為何還是無的呢？道歉態度欠誠懇，解釋不到點解一早無貨同既然打電話黎催，點解那時不知會無得食呢？！之後幾碟雞，魚，荷葉飯也不太出色！最後的是馬拉糕，很想食點知又無，離譜！變壽包完場，真是oh my God! 我想我以後都不會去麗宮食飯或飲茶！他們由服務到食物都大失所望， 實在令人氣怒。