端記茶樓

營業中

休息中

好多人都鍾意上川龍飲茶，有啲可能係慕名山水而來，有啲係山友門飲早茶嘅集合點。我之前以為端記只做早茶，因為呢樣出名嘛，仲聽過有好多人都話有少少名過其實。因為一個偶然嘅機會而食到呢度嘅午餐，又有啲驚喜，食野都係講撞手神。午餐嘅選擇同普通茶記差唔多，都係成版然後勁多唔同配搭嘅選擇。但係價錢真係好親民，平時33蚊邊有可能食到鴨腿湯飯，呢度有，仲要好好食。啲鴨肉堆滿哂成個碗，肉質夠軟而且好入味，煮到啲骨肉有少少分離，唔柴，剛剛好。湯一啲都唔油好清，除左鴨香味飲得出仲有唔同嘅香料，但係唔識分～食哂成個飯都好似唔夠喉咁，唔係因為唔夠飽，係因為太好食。食完亦都唔會頸渴，個口仲會有陣鴨湯香味。