更多
2021-07-29
451 瀏覽
呢間Cafe我一直都好鍾意佢既氛圍呢幾年斷斷續續都幫襯左好多次特別鍾意閒日靜靜地黎坐下飲下啡今次難得Weekday放假就打算黎坐下嘆下啡上下網今次光顧既時間約十二點Order既係Set Lunch + iced americano (老實說，他們額外收了$20咖啡費，我相信有期待係好合理）係我等餐既期間有一群附近地盤工作既客人一湧而入可能員工開心有生意取餐處就不再叫號任由佢地自行取餐我就不以為然 等佢地拎完 我再拎自己個餐當我上前問下我個餐拎得未既時候職員竟將剛剛地盤工作者拎多左然後退還既餐轉遞比我 我望見杯咖啡比較濁就嘗試問下職員：「呢杯係Americano 定齋啡？」職員只回應：「岩嫁啦，係咁嫁啦！」然後職員就自然自語：「唔岩就隨便換。」咁我唔係專業咖啡師坐低試左一啖，只係覺得個味都同美式有分別 同之前呢度出品都唔同但係職員都企硬 我都無辦法爭辯然後我不忿咁食完蔬菜個部分，之後就發現原來我叫既雞翼意粉更變左牛扒意粉更加令我覺得個餐根本就唔係屬於我同完職員講 佢都只係隨便咁話：「咁換比你囉。」明明係佢地搞錯 點解可以塑造到我反而係麻煩客既感覺？曾經好鍾意呢間鋪頭，就算佢唔就腳都特登黎
呢幾年斷斷續續都幫襯左好多次
特別鍾意閒日靜靜地黎坐下飲下啡
今次難得Weekday放假就打算黎坐下
嘆下啡上下網
今次光顧既時間約十二點
Order既係Set Lunch + iced americano
(老實說，他們額外收了$20咖啡費，我相信有期待係好合理）
係我等餐既期間
有一群附近地盤工作既客人一湧而入
可能員工開心有生意
取餐處就不再叫號
任由佢地自行取餐
我就不以為然 等佢地拎完 我再拎自己個餐
當我上前問下我個餐拎得未既時候
職員竟將剛剛地盤工作者拎多左然後退還既餐
轉遞比我 我望見杯咖啡比較濁
就嘗試問下職員：「呢杯係Americano 定齋啡？」
職員只回應：「岩嫁啦，係咁嫁啦！」
然後職員就自然自語：「唔岩就隨便換。」
咁我唔係專業咖啡師
坐低試左一啖，只係覺得個味都同美式有分別 同之前呢度出品都唔同
但係職員都企硬 我都無辦法爭辯
然後我不忿咁食完蔬菜個部分，之後就發現原來我叫既雞翼意粉更變左牛扒意粉
更加令我覺得個餐根本就唔係屬於我
同完職員講 佢都只係隨便咁話：「咁換比你囉。」
明明係佢地搞錯 點解可以塑造到我反而係麻煩客既感覺？
曾經好鍾意呢間鋪頭，就算佢唔就腳都特登黎幫襯，但係今次真係十分失望。
5 瀏覽
0 讚好
0 留言
張貼
