更多
2017-02-17
1827 瀏覽
本身我同老公訂咗樓下間韓國炸雞店， 點知勁多人，老公都等到發火 ，所以去咗 4樓呢間韓國餐廳。 一入去已經心知不妙，得小貓兩三隻。 開頭叫阿豬媽落單，點知佢勁鞋口鞋面勁大聲嗌等陣，但係轉個頭又唔過嚟幫我哋寫嘢，去做埋啲無謂嘢，再叫佢先至再返嚟落單。 跟住我哋指餐牌上嘅食物點知佢又勁鞋口鞋面咁話“唔好指，講要啲乜嘢。 好，我忍佢！我哋叫咗韓式燒肉，炸雞同埋海鮮薄餅。 韓式燒肉就要自己燒嘅，咁我開咗爐之後 就開始燒雞肉，點知嗰個阿珠媽又走過嚟指指點點，又話我做咩成日翻，仲要嘖我好多好多次，覺得我燒肉燒得好差，又呢又路。講真，我燒成點都唔關佢事啦！佢仲要快啲燒完熄爐！其實啲嘢食真係唔太差(雖然價格係偏貴)，但係佢嘅服務態度實在令我覺得貼錢買難受。寧食開眉粥莫食愁眉飯，我以後都唔會再去呢間嘢食。 呢個情人節真係經典呀！
一入去已經心知不妙，得小貓兩三隻。 開頭叫阿豬媽落單，點知佢勁鞋口鞋面勁大聲嗌等陣，但係轉個頭又唔過嚟幫我哋寫嘢，去做埋啲無謂嘢，再叫佢先至再返嚟落單。 跟住我哋指餐牌上嘅食物點知佢又勁鞋口鞋面咁話“唔好指，講要啲乜嘢。 好，我忍佢！
我哋叫咗韓式燒肉，炸雞同埋海鮮薄餅。 韓式燒肉就要自己燒嘅，咁我開咗爐之後 就開始燒雞肉，點知嗰個阿珠媽又走過嚟指指點點，又話我做咩成日翻，仲要嘖我好多好多次，覺得我燒肉燒得好差，又呢又路。講真，我燒成點都唔關佢事啦！佢仲要快啲燒完熄爐！
其實啲嘢食真係唔太差(雖然價格係偏貴)，但係佢嘅服務態度實在令我覺得貼錢買難受。寧食開眉粥莫食愁眉飯，我以後都唔會再去呢間嘢食。 呢個情人節真係經典呀！
張貼