豫園 (已搬遷) 新店位置

「豫園」居高臨下，遠眺維港，在這個環境下嘆茶，人生幾何🥰中午時段與友人相聚，朋友一坐低，就不禁讚嘆景色開揚，佈置優雅高尚，心情也感舒泰，更大讚我識揀地方，呢點我都非常認同😆豫園不單止好坐，食物精緻又抵食👍特別係呢度嘅午市行政套餐，由2-5道菜式，開胃前菜、上海點心、主食都有幾多選擇😊最貴都係二百零蚊一位。我哋嘅頭盤揀左無錫脆鱔、紹興醉雞，脆鱔酥香惹味👍🏻，醉雞淡淡酒香，清甜醇郁，雞肉嫰滑，濃淡適中，正👏🏻點心部份有豫園小籠包、生煎包，熱辣辣，香噴噴，服務員提醒我哋要趁熱食，呢度招呼都好周到，有禮貌服務好，用餐非常舒適👍🏻主食，蟹肉擔擔飯，講真我都係第一次食，真係出奇咁好味，淡淡的蟹皇香味，混和喺粒粒米飯之中，飯有蟹香，入口綿密，回甘口感超級滿足，必試👍🏻另一主食，上海炒年糕，薄薄嘅年糕片，軟硬適中，掛滿惹味醬汁，係開胃之選。酸辣湯、鮮魚羹各有特色，特別係鮮魚羮，上湯配合豆腐鮮魚肉碎，鮮甜味美；而酸辣湯嘅精髓，係酸和辣要取得平衡，才能提升口感同層次👍🏻甜點，桂花酒配丸子🍡，甜而不膩，酒香撲鼻，煙煙韌韌，滋潤無比👍🏻，雷沙湯丸，新鮮熱辣，唔會太甜，啱晒我口味😎我同朋友都非常滿意，呢度無論環