習作 (已結業)

週末去咗呢間朋友推薦嘅日式咖啡店，裝修以木系為主，一入到去令人感覺好舒服好放鬆😌 店內座位唔多，一啲都唔會覺得逼，仲有幾檯榻榻米座位，令人覺得更加有日式感覺。我地嗰日walk in等咗30分鐘左右，建議大家可以提早訂枱，咁就唔使等位啦～ 我地好好彩被安排坐榻榻米位置，但就要盤腳坐，大家要做定心理準備坐得耐會有啲痹🤣 我地叫咗3份日替定食(前菜、藜麥沙拉、米飯)，另外加咗6款主菜，加$20可以選$40以下嘅飲品。-主菜方面，我地揀咗五目魚餅大阪燒、唐揚紫芋甘薯餅、藍蠻高野豆腐、黑蒜油紫蘇雞肉、玉子豚角燒、燒芝士年糕。雖然每份細細碟，但望落已經好豐富好吸引😍 全部味道都唔錯，調味唔會太濃，食得出原材料幾靚幾足料，但價錢較高一個定食配兩份主菜加飲品已經要$160，性價比唔算高。個人就最鍾意大阪燒、甘薯餅同芝士年糕😋 飲品方面我點咗flat white，咖啡味道不過不失，但拉花真係幾有心思，咖啡杯都好賞心悅目，有時得閒過嚟休息吓都係一個唔錯嘅選擇☕️