醒 (已結業)

同事喺公司附近食過一間新開嘅外賣小店,走fusion路線，話好味道今日就同佢買嚟一齊食，等食物期間同店員閒聊，話呢個店名係讀“醒下”果個“醒”，我覺得好似一個refresh店咁嘅理念，好有意思。朋友之前食過一個喇沙意大利粉（$78）介紹畀我食而佢今次就點一個巴東牛肉便當（$82）。 平時喇沙都會係湯底配啲粉麵食，今次佢變成喇沙醬汁仲要係加意粉，食落又好有驚喜，椰汁同喇沙嘅味都好香濃，又唔會覺得好辣，反而係少少香辣更開胃。同埋配意粉嚟炒反而食個陣更有咬口同埋更加掛到醬汁，真係好推介。至於個巴東牛肉便當，朋友叫我試下，煮得好好味，個醬汁少少辣，好惹味，配飯真係一流，相比下我甚至更鐘意巴東牛肉，可能我少食過巴東醬汁，定真係咁岩我口味，而且佢便當都花唔少功夫，配埋橙可以解下口腔個種濃味感，又有小小開胃小菜，兩款食物都十分唔錯！飲品揀左特色black coffee-鮮橙啡 同奶泡白桃烏龍茶，之前都冇試過鮮橙啡，估唔到飲落又幾夾，原片橙片加上咖啡，酸甜味互相溶入，味蕾上嘅新刺激。奶泡白桃烏龍茶個茶底都幾香，加上香滑奶泡已經好好飲，仲要有一粒粒白桃肉，有咬口得嚟令飲品香甜味更加升級，用料十足，讚！