更多
2019-01-27
457 瀏覽
作為香港人，茶記既早餐可以話係我既comfort food之一，如果可以食到一個正既早餐作為一日既開始，一定會更加有動力工作，無奈作為一個朝9晚6既打工仔😞，朝早要享受一個咁既早餐實在太奢侈，除非你願意犧牲寶貴既睡眠時間，所以茶記既常餐其實係可以滿足到一班平時食唔到早餐既打工仔😍自問並唔係蕃茄狂熱者，食西餐如果有得揀紅湯定白湯，我通常都會後者，因為羅宋湯俾我感覺就係一個酸字，唯獨旺記既蕃茄湯底令我開始識得欣賞蕃茄酸酸甜甜既滋味☺️入返正題，呢次已經係第三次黎食呢個午5餐，放假就俾自己放縱下啦，所以將麥包多士轉左做邪惡奶油豬，點邪惡法？你睇下面頭厚厚一層煉奶就知。😂其實旺記門口都有個牌講左餐廳選用日本蛋，但入到餐廳無意中見到一箱箱日本蛋，無疑令到人對炒滑蛋多左一份期待😛滑蛋好嫩滑，唔會過熟，令人忍唔住一啖接一啖👍🏻主角蕃茄午餐肉公仔面出場，因為諗住面可以沾多啲湯，所以就將原本既通粉轉做面，午餐肉喺茶記雖然好常見，但呢度將午餐肉厚切粒狀再半煎炸，外脆內軟既口感令人食指大動🤤飲品方面，第一次黎既時候發現到有平時少見既鮮薑汁奶茶，自從試完一次之後，呢杯奶茶已經變左我既必然之選，新鮮薑汁微辣既感覺
作為香港人，茶記既早餐可以話係我既comfort food之一，如果可以食到一個正既早餐作為一日既開始，一定會更加有動力工作，無奈作為一個朝9晚6既打工仔😞，朝早要享受一個咁既早餐實在太奢侈，除非你願意犧牲寶貴既睡眠時間，所以茶記既常餐其實係可以滿足到一班平時食唔到早餐既打工仔😍
自問並唔係蕃茄狂熱者，食西餐如果有得揀紅湯定白湯，我通常都會後者，因為羅宋湯俾我感覺就係一個酸字，唯獨旺記既蕃茄湯底令我開始識得欣賞蕃茄酸酸甜甜既滋味☺️
入返正題，呢次已經係第三次黎食呢個午5餐，放假就俾自己放縱下啦，所以將麥包多士轉左做邪惡奶油豬，點邪惡法？你睇下面頭厚厚一層煉奶就知。😂
其實旺記門口都有個牌講左餐廳選用日本蛋，但入到餐廳無意中見到一箱箱日本蛋，無疑令到人對炒滑蛋多左一份期待😛
滑蛋好嫩滑，唔會過熟，令人忍唔住一啖接一啖👍🏻
主角蕃茄午餐肉公仔面出場，因為諗住面可以沾多啲湯，所以就將原本既通粉轉做面，
午餐肉喺茶記雖然好常見，但呢度將午餐肉厚切粒狀再半煎炸，外脆內軟既口感令人食指大動🤤
飲品方面，第一次黎既時候發現到有平時少見既鮮薑汁奶茶，自從試完一次之後，呢杯奶茶已經變左我既必然之選，新鮮薑汁微辣既感覺配埋香滑奶茶竟然出期地夾😉
同行友人試左愛爾蘭咖啡都話有喜出望外既感覺，我淺嘗左一啖，酒香醇既味道令人有一刻置身cafe既感覺🙈
如果要求環境舒適，呢間茶記可能未必符合你既要求，但我反而覺得略為逼狹既座位可以拉近人與人之間既距離，享受美食同時可以更容易同朋友分享即時既感受😊
張貼
