峰 (已結業)

今晚同爸爸去食峰呢間日本野，幾次嘅水準都一樣keep住，環境乾淨，係值得再去嘅餐廳。😙個人黎講我好中意南瓜，而呢碟煎南瓜無咩特別，屋企都整到，不過不失。🙎唔太中意食蠔嘅我都比呢個吸引到！上面果層鹹鹹甜甜嘅味噌醬好濃好香，但同時唔會遮左蠔嘅味而互相襯托，好味到連汁都舔埋😛。好似我呢啲芝士愛好者一定唔可以錯過嘅芝士薯波！外層香脆，內裡係熱騰騰、融入左芝士嘅薯蓉，足以拉出一縷縷芝士絲。淋上適當份量嘅甜醬、沙津醬，再灑上芝士粉同木魚絲，滋味溶入心扉。😌👍牛舌係一樣偉大發明，加上烘過嘅芥末，本身刻骨銘心嘅攻鼻消失左，淨返清清淡淡嘅芥末味，我先知芥末係禁香口！呢個青芥牛舌好值得試！😋雞翼嘅做法多不勝數，點整亦都好食，而呢款就好少見。塗上醬油嘅表皮烘得微燶，香甜味更突出，加上檸檬點綴，但非常清新嘅味覺享受！☺️最後叫左個煎鵝肝蛋飯，無咩特別，只係將太陽蛋、鵝肝同飯放埋一齊😅。  整體我都好滿意，大家可以一試💁。