IRVINS Salted Egg (已結業)

前幾日食過同事比既幾舊最近好出名既咸蛋魚皮 真係幾好味 一直都念念不忘 真係幾好味 今日趁早上去開尖沙咀 所以諗住順便買比老婆試下但係一去到已經見到好多人 排排下佢通知我地話魚皮已經賣晒 當時好失望 想走既時候聽到前面個個人話其實薯片都好好食 既然都排左咁耐 咁唯有買唔到魚皮買薯片啦原本都冇乜期望既 本身係睇波既時候食下薯片 咁就開左包大咸蛋薯片 打開包薯片既時候 咸蛋味香氣撲鼻 薯片香脆可口 每塊都有沾滿咸蛋粉 個人覺得薯片比魚皮既味道更勝一籌 咸蛋薯片比魚皮更入味 而且薯片冇魚皮咁大舊同咁飽 好快就可以食完一包 第二日仲再開埋另一包食 下次我會買多幾包睇波既時候再食