更多
2021-10-02
359 瀏覽
平日夜晚去食，大概6:30入座，唔洗排隊就入到。-我哋兩個女仔叫咗一個極邪惡咸蛋黃芝士酥皮薄餅($148有加一)。佢menu寫「以上薄餅可供二人分享」，所以我哋淨係叫咗一個。-等咗大概20分鐘嚟到，我同我fd即刻對望，因為完全係一人份。自問細食，一半嚟講肯定唔夠食。睇嚟店主同我哋對二人份嘅定義都幾唔同😂-等咗咁耐都肚餓，咁食咗先啦。我覺得脆皮佔嘅比例太多，有接近50%，問題係啲脆皮又乾又無味。個咸蛋黃我覺得麻麻因為好乾，我個fd就覺得幾好。但我哋都認同個pizza好dry，成件事夾埋係唔好食😭-我哋食到一半覺得真係唔夠食，即刻追加一個栗子蓉配蜜糖脆脆雪糕麻薯窩夫($66有加一)。甜品係普通的，有兩塊窩夫、一球栗子蓉、一球雪糕，雪糕上面有蜜糖脆脆，仲有一杯仔糖漿，所有嘢都算夾。好彩個窩夫有麻薯，我哋先食得夠飽😂-入座限時75分鐘，一開始叫嘢食同等佢整都已經過咗25分鐘，同埋之後又要追加甜品，怕食唔切同埋出面又有好多人排隊😖 搞到我哋都有啲緊張，最後都食到差唔多夠鐘🥲-一開始見佢係黃店先去，但成個過程我哋都食得唔算開心😞食物：被個「二人份」pizza呃咗，同埋唔好食，甜品叫做中規中矩服務：
平日夜晚去食，大概6:30入座，唔洗排隊就入到。
-
我哋兩個女仔叫咗一個極邪惡咸蛋黃芝士酥皮薄餅($148有加一)。佢menu寫「以上薄餅可供二人分享」，所以我哋淨係叫咗一個。
-
等咗大概20分鐘嚟到，我同我fd即刻對望，因為完全係一人份。自問細食，一半嚟講肯定唔夠食。睇嚟店主同我哋對二人份嘅定義都幾唔同😂
-
等咗咁耐都肚餓，咁食咗先啦。我覺得脆皮佔嘅比例太多，有接近50%，問題係啲脆皮又乾又無味。個咸蛋黃我覺得麻麻因為好乾，我個fd就覺得幾好。但我哋都認同個pizza好dry，成件事夾埋係唔好食😭
-
我哋食到一半覺得真係唔夠食，即刻追加一個栗子蓉配蜜糖脆脆雪糕麻薯窩夫($66有加一)。甜品係普通的，有兩塊窩夫、一球栗子蓉、一球雪糕，雪糕上面有蜜糖脆脆，仲有一杯仔糖漿，所有嘢都算夾。好彩個窩夫有麻薯，我哋先食得夠飽😂
-
入座限時75分鐘，一開始叫嘢食同等佢整都已經過咗25分鐘，同埋之後又要追加甜品，怕食唔切同埋出面又有好多人排隊😖 搞到我哋都有啲緊張，最後都食到差唔多夠鐘🥲
-
一開始見佢係黃店先去，但成個過程我哋都食得唔算開心😞
食物：被個「二人份」pizza呃咗，同埋唔好食，甜品叫做中規中矩
服務：啲店員完全無禮貌，無service可言
環境：唔係太好，想扮復古風，但只係單純地舊😶音響得部Marshall播全場，近嘅會覺得好嘈，遠嘅會聽唔清
-
另外呢個價位我會覺得完全唔值😕唔明點解仲咁多人排隊
err希望佢哋可以改進一下啦，點解食親啲黃店都伏😭
張貼