影片
更多
2017-05-17
177 瀏覽
是日睇完戲，又到左晚上醫肚的時候了。又想起近排開左間西餐廳，D食物相片好似好靚咁，於是就黎左呢間「瑞士農場」試下了。一入到去就發現，呢度D裝修行簡約風格，D位都夠闊落，比一般茶餐廳好坐。坐定定之後就望下個menu，俺發現其實呢度雖然自稱係西餐廳，但menu入面D野食其實同茶餐廳差唔多，係D相影得靚D、入面D食物擺得靚D咁。諗左一陣之後，俺們決定試下小店主打的流心芝士豬扒($68)，同埋白汁雜菌天使麵($49)。過左唔係好耐，其中一個餐的餐湯就上菜了。碗「蕃茄湯」望落好似冇乜問題，點知一試就出事了...D蕃茄味完全就係就咁將D茄汁/茄膏加落熱水度，甜到喊，同就咁拎支茄汁去飲冇乜分別；至於碗湯入面D蕃茄呢，就只有可憐的幾小粒...俺們飲左幾啖之後就完全停曬口，而放多陣碗湯之後，你會發現茄膏層會沉左喺底，而水層就會浮左喺面，呢件事情都真係幾罕見，羅宋湯都唔會咁啦！(由於實在太難頂，所以冇影到相)再過多一陣之後，最驚嚇嘅野黎了...白汁雜菌天使麵，首先天使麵同雜菌係分開上的，但兜天使麵上面有一pat好核突的白汁，個賣相同俺中學時期食嘅$20頹飯有99%相似；而兜雜菌都唔弱，有一個兜仔裝住D核突
一入到去就發現，呢度D裝修行簡約風格，D位都夠闊落，比一般茶餐廳好坐。坐定定之後就望下個menu，俺發現其實呢度雖然自稱係西餐廳，但menu入面D野食其實同茶餐廳差唔多，係D相影得靚D、入面D食物擺得靚D咁。諗左一陣之後，俺們決定試下小店主打的流心芝士豬扒($68)，同埋白汁雜菌天使麵($49)。
過左唔係好耐，其中一個餐的餐湯就上菜了。碗「蕃茄湯」望落好似冇乜問題，點知一試就出事了...D蕃茄味完全就係就咁將D茄汁/茄膏加落熱水度，甜到喊，同就咁拎支茄汁去飲冇乜分別；至於碗湯入面D蕃茄呢，就只有可憐的幾小粒...俺們飲左幾啖之後就完全停曬口，而放多陣碗湯之後，你會發現茄膏層會沉左喺底，而水層就會浮左喺面，呢件事情都真係幾罕見，羅宋湯都唔會咁啦！(由於實在太難頂，所以冇影到相)
再過多一陣之後，最驚嚇嘅野黎了...白汁雜菌天使麵，首先天使麵同雜菌係分開上的，但兜天使麵上面有一pat好核突的白汁，個賣相同俺中學時期食嘅$20頹飯有99%相似；而兜雜菌都唔弱，有一個兜仔裝住D核突白汁同雜菇，但最離奇嘅係，入面竟然有金針菇，俺真係從未見過雜菌會有呢樣野出現...一見到呢道菜，俺們即時交換眼色兼滴曬汗了，但都鼓起勇氣試下，點知...D白汁真係極度難頂，完全冇忌廉味，只係食到麵粉味，D天使麵有天使麵味...而D雜菌就有D菇味嘅，但D金針菇真係極度唔夾囉。就連行過的侍應哥哥，見到俺們食到手震震咁，佢自己都忍唔住笑，莫非佢食過呢兜野做員工餐？(由於兜野賣相實在太核突，所以都係冇影到相，早知咁難食就影埋相放上黎)
隔左大概5分鐘左右，流心芝士豬扒上菜了，豬扒有兩大塊，仲有D薯角。見佢睇落幾好樣咁，所以今次有影到相。一切開就發現，原來豬扒入面唔單只係包住芝士，中間仲夾左一層火腿(百佳牌貨色)；食落俺就覺得，塊豬扒炸到好乾好硬，而塊豬扒本身已經好咸，再加埋塊火腿同芝士嘅咸味，總共就係咸咸咸。雖然唔係話好好味，但同頭先個白汁雜菌天使麵相比，俺們都能夠順利食曬。
其實俺們一向都唔鐘意浪費食物的，但真係唔好意思了，個白汁雜菌天使麵俺們真係盡左力的了，但都係冇辦法食曬佢。俺諗如果係俺自己煮的話(俺唔識煮野食的XD)，應該都會煮得好食過佢...
總括黎講，呢間野裝修ok，menu入面D圖片幾靚，服務都ok，但D野食真係令人一試難忘...要明白，喺元朗做飲食業競爭係非常之大的，好評的食店會好多人幫襯，但會被係咁加租；而做得唔好或者係難食的食店，則會更快自動消失的。如果以呢個價錢黎講，店主繼續比D咁嘅質素嘅野D客食的話，相信呢間鋪好快就又會轉手了！
流心芝士豬扒
$68
27 瀏覽
0 讚好
0 留言
張貼
