A Tavola Bar & Grill (已結業)

澳南海岸哩邊開左好多新餐廳，我哩排都係咁過黎哩邊覓食，今次就決定試吓哩間成日都會經過既餐廳。餐廳分室內及室外區域，環境好chill。餐牌上面既選擇好多，而我地今次淨係叫左一個Pizza同埋一個千層闊條麵。🎈Beef Lasagna 意式千層闊條麵 $135唔知有冇人同我一樣勁鍾意食千層麵，而哩到既千層麵真係不得了，超好食！面層放上唔少芝士碎，每層既闊條麵都放滿牛肉碎、茄醬、超多芝士同薯蓉，食落去每啖都充滿芝士香及牛肉碎，口感豐富，亦夠咸香，超好食推薦👍🏻🎈A Tavola House Special （12寸） A Tavala 公司薄餅 $160Pizza可以選擇10吋或12吋，我地揀左12吋既大批，真係勁大個，佔左餐桌大半位置，而且非常足料，材料有火腿、意大利香腸、煙肉、青椒、洋蔥、菠蘿、橄欖等，每一啖都食到唔同既材料，薄餅以蕃茄醬作底，餅底烤得香脆，可以揀厚批或者薄批，加上芝士，好味夠咸香。整體黎講，餐廳既食物同環境都唔錯，坐出面既話仲可以望風景，而且個千層麵真係好正，係值得再試既餐廳。