舊時光石磨腸粉 (已結業)

星期六同阿媽出咗尖沙咀行街，佢話夜晚唔想煮，所以就搵吓附近有冇嘢啱食。我哋行到去厚福街，見到小店「舊時光石磨腸粉」幾多人排隊，而且見餐牌啲嘢好似幾啱食😍。小店主打外賣🥡，但同時亦提供企位供堂食。喺等候食物期間，我就見到有兩個後生靚女係熟客仔，就算大熱天時都唔介意企喺度食。我哋預三個人開餐，所以總共買咗六樣嘢食，埋單都唔使$200，性價比極高👍。全部食物即叫即整，不過等候時間都好快。秘制牛腩撈石磨粉($48)，石磨粉超墜手，原來一盒份量有咁多！我估計石磨粉應該係同陳村粉差唔多，未煮前可以攤開一大片。佢透薄順滑，索汁一流。🐮牛腩雖然唔大件，但亦唔等如碎濕濕，而且肥瘦適中，質感唔嚡，味道唔錯。石磨粉加埋牛腩，感覺有啲似牛河，哈哈。麻辣雞絲撈石磨粉($42)，🐔雞有兩種揀，分別係雞絲VS手撕雞，我哋要咗前者，估計雞柳係切開咗一條條後先拎去蒸；而手撕雞就相反，係將雞蒸熟咗先再手撕。不過講到尾麻辣汁先係重點，佢嘅麻辣超級無敵正🌶，辣度同鹹度都好出，食落勁惹味，石磨粉墊底盡吸精華。韮黃鮮蝦腸($25)，我認為普通腸粉比起石磨粉份量少啲，即使造型有啲似，都係皺皮，但勉強會見到形狀係一條條。蝦腸用料新鮮