初芋 (已結業)

初芋食完下午茶又去食甜品，第一次食呢間餐廳，朋友話見好多人去打卡，位置又方便，咁啱有4個人嘅位，就去試吓。紫薯寒天冰雪，$48有驚喜，紫薯味都幾濃，又唔會太甜，唔錯，上面有cream，下面仲有寒天珠，滿足。春之頌，$38朋友點嘅，話係益力多嘅味，加咗緑色嘅啫喱，唔會好甜。青山抹茶綿綿冰，$98好多人去打卡呢個冰，因為真係好有仙氣，賣相一流。開頭我哋以為入面全部係冰，好似冇乜抹茶嘅感覺，點知原來入面隱藏左個抹茶雪糕，好正，下面仲有抹茶布甸同埋抹茶脆脆，值得打卡。另外仲叫咗碗牛奶雪耳桃膠，好足料又唔會好甜，不過價錢略貴。餐廳以芋頭嘅顏色做主題，都幾得意，服務員好後生態度都好好，不過嘢食要等待嘅時間長咗少少，建議可以加快速度。