152
99
71
等級4
2006-09-23 11 瀏覽
幾年前的詠藜園, 勁多人, 雲白肉, 擔擔麵, 黃金餅都係正. 連同在整個美食坊都一位難求.今天的美食坊已面目全非. 老趙, 金鳳, 老掌柜, 老香港, 怡保新成發, 廣東, 一間間消失了. 詠藜園依舊存在, 但人龍都消失了. 星期五晚, 基本上不用等位, 我們一行十六人, 食完再分享都無問題. 完全無需食完馬上交枱. 因為都無人等.十六人分兩枱, 八對八. 食物一樣. 有點點OR大局的味道.雲白肉: 7分, 金獎雲白肉, 以前真值金獎, 今天頂多值安慰獎. 上枱時雲白肉係完全連在一起. 努煩弟兄K一件一件地將它們分開. 味道未夠辣, 蒜泥亦失蹤了. 幸好雲白肉本身的味道仲幾好. 切得薄薄的, 口感還在.紅油抄手: 8分, 另一必食菜, 水準保持, 入口辣辣的, 但之後又唔會令人麻痺, 連食幾舊都頂到.楊家小湯包: 7分, 楊家菜的出品, 雖叫小湯包, 但食落湯少了點. 皮薄但實正, 無人夾穿. 味道不俗. 加多D湯仲好.豆瓣魚塊: 7分, 豆瓣汁相當入味. 酸酸甜甜辣辣都有點. 魚塊覺得太多骨. 肉少了點, 扣分.招財寶鴨: 8分, 又一得獎菜. 早前同弟兄姊妹食了勁差的香酥鴨, 今
更多
幾年前的詠藜園, 勁多人, 雲白肉, 擔擔麵, 黃金餅都係正. 連同在整個美食坊都一位難求.

今天的美食坊已面目全非. 老趙, 金鳳, 老掌柜, 老香港, 怡保新成發, 廣東, 一間間消失了. 詠藜園依舊存在, 但人龍都消失了. 星期五晚, 基本上不用等位, 我們一行十六人, 食完再分享都無問題. 完全無需食完馬上交枱. 因為都無人等.

十六人分兩枱, 八對八. 食物一樣. 有點點OR大局的味道.

雲白肉: 7分, 金獎雲白肉, 以前真值金獎, 今天頂多值安慰獎. 上枱時雲白肉係完全連在一起. 努煩弟兄K一件一件地將它們分開. 味道未夠辣, 蒜泥亦失蹤了. 幸好雲白肉本身的味道仲幾好. 切得薄薄的, 口感還在.

紅油抄手: 8分, 另一必食菜, 水準保持, 入口辣辣的, 但之後又唔會令人麻痺, 連食幾舊都頂到.

楊家小湯包: 7分, 楊家菜的出品, 雖叫小湯包, 但食落湯少了點. 皮薄但實正, 無人夾穿. 味道不俗. 加多D湯仲好.

豆瓣魚塊: 7分, 豆瓣汁相當入味. 酸酸甜甜辣辣都有點. 魚塊覺得太多骨. 肉少了點, 扣分.

招財寶鴨: 8分, 又一得獎菜. 早前同弟兄姊妹食了勁差的香酥鴨, 今次幸不辱命, 這招財寶鴨其實食落同香酥鴨差不多, 但很香口, 不會太乾, 肉亦保到鮮味.

白玉葡萄: 8分, 葡萄當然不是葡提子, 而係冬瓜. 切成一球球的, 清清地, 冬瓜很鮮甜. 但請注意, 而碟只有冬瓜, 無其他. 會寡少少.

砂鍋雲吞雞: 8分, 一大鍋, 一人分了不止兩碗, 雲吞即係紅油抄手走辣版, 但都不俗. 湯飲落無太大味精影子. 另外盛了一大碟雞上枱, 煲完咁大煲湯, 雞肉仍然不老. 幾好味. 隻雞係雪狼湖來的, 識唱不老的傳說?

多人來真係值得食而樣.

擔擔麵: 8分, 同文迪分了碗小辣. 點點麻辣味加上花生醬的湯底依然正, 麵質都幾好. 其實熱辣辣上枱, 點都唔差得去邊. 但同當日比, 水準下滑係真.

弟兄M食大辣, 成面紅哂. 頂到嗎?

黃金餅: 8分, 以前係我心目中的十分甜品. 今天一樣下滑了. 其實. 炸得香口的外皮加上入面的蓮蓉仲幾好食.

整體仲係幾好食, 雖水準跌了都幾多, 係一次一次咁跌, 仲似無得升番上去, 今生不再. 但喊面就無得俾. 咁都喊面, 樓下大皇咪十個喊面都唔夠.

間唔中食一次都仲得.
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
人均消費
HK$90