影片
更多
2021-09-17
1705 瀏覽
同另一半慶祝生日，佢lur我好耐同佢一齊去食omakase 既晚市。其實我哋平時咩節日、所謂既特別日子都唔太理/慶祝，是但當生日做個理由（同埋果然生日只會喺餐牌上面寫一句Happy birthday😂😂😂）我係唔肯出去食野食晚市既😂，但係呢間會令我破例，同埋試一次。心入面念念不忘上一次黎食午餐嘅經驗（早上11:30食咗雲川嘅冬菇魚湯米線，同埋呢餐，第二日無重太多，調整返一日應該會去返平時嘅磅數）前菜全部都好好，係三星、係志魂咁（個人唔鍾意個素麵，只食四分一就俾另一半食；鮑魚雖然好好食，但驚過飽，都只食一舊。如果八爪魚再切開一半，我都會只食半件😂）海膽布甸，都係食一半……佢咁樣嘅材料層層疊疊，其實喺西餐都係食到差唔多嘅感覺，好係好，將好嘅材料搭埋一齊咁樣。赤鯥層皮燒到完美，crazy咁好。 好「輕」、好「透」。燒鰻魚二食都好好，雖然怕太飽，但太好味。所以兩件鰻魚一件都唔想俾另一半😂😂😂酒餚好好，但壽司方面令我有啲失望。我期待食返上次午市嘅質素？感覺？雖然第一次好驚艷，之後食過好多餐其他舖頭；但我肯定唔係因為食得多而忘記個次樣樣完美既感覺。我睇返舊相，每一間，每一餐，每一件，我都記得大約係
同另一半慶祝生日，佢lur我好耐同佢一齊去食omakase 既晚市。
其實我哋平時咩節日、所謂既特別日子都唔太理/慶祝，是但當生日做個理由（同埋果然生日只會喺餐牌上面寫一句Happy birthday😂😂😂）
我係唔肯出去食野食晚市既😂，但係呢間會令我破例，同埋試一次。心入面念念不忘上一次黎食午餐嘅經驗
（早上11:30食咗雲川嘅冬菇魚湯米線，同埋呢餐，第二日無重太多，調整返一日應該會去返平時嘅磅數）
前菜全部都好好，係三星、係志魂咁
（個人唔鍾意個素麵，只食四分一就俾另一半食；鮑魚雖然好好食，但驚過飽，都只食一舊。如果八爪魚再切開一半，我都會只食半件😂）
海膽布甸，都係食一半……佢咁樣嘅材料層層疊疊，其實喺西餐都係食到差唔多嘅感覺，好係好，將好嘅材料搭埋一齊咁樣。
赤鯥層皮燒到完美，crazy咁好。 好「輕」、好「透」。
燒鰻魚二食都好好，雖然怕太飽，但太好味。所以兩件鰻魚一件都唔想俾另一半😂😂😂
酒餚好好，但壽司方面令我有啲失望。我期待食返上次午市嘅質素？感覺？
雖然第一次好驚艷，之後食過好多餐其他舖頭；但我肯定唔係因為食得多而忘記個次樣樣完美既感覺。
我睇返舊相，每一間，每一餐，每一件，我都記得大約係點樣。好似去某一間，10件壽司入面，比較出彩或者有記憶點嘅係一兩件。我真係會記得
就算醬油漬赤身，有時有啲鋪頭你以為佢出嚟嘅食味一般般，但放入口係估唔到咁驚喜。魚味好柔潤，飯同魚既比例好好；上顎壓落去，再趙……油、滑既魚壓落飯度正到不得了。 咁既情況我會鍾意呢種魚🥲
但今餐唔係咁😵，價錢同質素唔成正比🥲
有啲omakase既大拖中拖我淨係想偷偷地lur左佢，好怕油。（通常一人鮨境；同另一半去一定俾佢食）
如果唔難食，忍住照食落肚😬(我唔係好鍾意食呢種魚嘅人，the arki 想去，但係見到唔少評論都話幾拘謹，出出入入都鞠躬，佢仲鮪連發😂😂😂）
其實志魂時間上幾好，對我個人黎講鍾意快食快走。每個人有自己嘅喜好，我就唔鍾意喺出邊坐咁耐
正常地好
有筋😬 中間白色個條……
兩件都普通地好。我覺得係我去得較多既鮨野都serve到既質素
（另外，愈試愈認同要mark師傅😅😅😅，認同還認同，我鍾意快啲食到多過等🥲。跟住食完又覺得不滿質素唔係間鋪既水平。哈，玩野）
小肌（貴啲既餐廳先敢試，喺上之前掙扎緊俾唔俾另一半食好；再傾開佢係幾鍾意呢啲亮皮魚，濃魚味既。佢仲講起好掛住奈良食過既柿葉包住既壽司&大阪既鯖魚押壽司；我就食唔落個種😂）
好彩，貴嘅舖頭果然處理得好😂😂😂
食得落
（好似有一半嘅壽司都有一粒米夾唔起，呢件小肌睇相都睇到，無可能夾得起嗰粒米😅。開頭我都用手食，但好似太鬆太散，都係用返筷子適合自己一啲）
正路
又係一次過整八件，再派。鮮甜但紫菜淋晒
上次lunch應該無加蝦醬定膏係中間？唔記得
今次埋完單，講話比較失望；佢都話師傅好似無咁精神咁，切魚生都好拖刀
但我同另一半講：「唔緊要我自己俾多次機會佢😂😂😂。」另一半：「妖😒」
太貴，個心唔服，應該自己會去多次午市
（佢會叫酒，唔想俾佢食或者同佢去食；
食完無幾耐既鮨野，我叫$450壽司餐，佢叫$1080既影；跟住叫$420既清酒😑。個下個心：450我個餐，你既酒420？｜我係會飲酒，但完全唔係出面飲。我係飲完訓個種😂。唔識欣賞；我估威士忌？酒量係350ml～4百幾就訓……）
今次既蝦食味完全唔夠第一次咁驚艷地鮮同脆；今次嘅水平係之前試過sushi zo同tokami一樣。好係好，但未到叮一聲地覺得驚艷。
不過都明嘅，sushi saito再睇返人嘅評論，都係唔穩定🥲
之前有日成功預約到sushi shion ，好開心。我想順便「俾機會」saito，但佢唔俾機會我😂。
我打左千幾次都約唔到。中途有四五次通咗電話但係冇人聽，諗返原來我果次打50幾個電話就通咗仲book到真係好好彩。
今次嘅壽司飯都握得唔係咁好，有一半壽司都有一粒米留係碟度；同埋抹碟唔夠，影相都影到唔靚🥲
好味既句號&污糟嘅碟
🥲🥲🥲🥲🥲🥲🥲🥲好貴好貴好貴
(人一世物一世🥲，係咁同自己講呢句😂)
無得去旅行，開始試fine dining🥲
總之今餐失望，師傅晚市好落手做，又nice 啲啲。但呢間我仲想試一次lunch…….😬
如果都差我就死心唔再諗住去（意思係咁貴、或者我唔係熟客唔會想得到我覺得值既體驗）
張貼
