蟹慶 (已結業)

作為銅鑼灣地膽，成日經過蟹慶 ，今晚決定會一會佢！特選會席套餐 $2576 二人前，可以食到好多款蟹蟹：原隻毛蟹 + 浜燒鱈場蟹腳當然吸引。但松葉蟹肉蟹膏炒飯有驚喜喎，黑魚子海膽蟹肉蒸蛋都正。鍾意食蟹嘅朋友可以一試。除左蟹，套餐仲包咗好多其他我鍾意嘅食材。鴨胸沙律+前菜漬魷魚好爽口；香煎鴨肝多士超JUICY齒頰留香；時令刺身有我最愛牡丹蝦同大拖羅；鹿兒島A5和牛香噴噴；最尾仲有芝士蛋糕，餐飯真心好～飽～最正之處，係佢做緊$198清酒放題，酒鬼一定好快回本囉哈哈哈哈