Tamarind

營業中

休息中

最近旺角又多咗間晚晚爆場嘅泰式餐廳 Tamarind，一到放工時間已經見到長長人龍。餐廳裝修帶點泰國街頭大排檔風格，主打多款泰式小食，除咗粉麵飯之外仲有唔少特色選擇。🔥 必試推介✔ 蟹肉庵列 $158賣相同內容都幾吸引，蛋包之下塞滿蟹肉，足料唔欺場，蛋香＋蟹鮮幾夾。推薦✔ 大蝦炒金邊粉 $88只有兩隻大蝦，味道偏清，炒得唔夠乾身，略嫌普通。✔ 芒果糯米飯 $58芒果唔酸，仲附送多一小杯椰汁，不過整體味道比較一般。✔ 泰國街頭椰子雪糕 $58有花生配料，但椰子味唔算突出，如果加椰絲會更好。✔ 泰式綠奶茶 $26偏淡，冇太大驚喜。💡 總結餐廳氣氛熱鬧夠晒feel，小食款式多樣，不過整體味道未至於「驚為天人」，等熱潮過後再慢慢試可能更理想。