道頓堀御好燒專門店 (新城市廣場) (已結業)

之前嚟到新城市廣場呢度，見到好多人等位嘅大阪燒，今次難得早少少放工，早少少拎飛，就可以早啲入場～呢度出名食大阪燒，枱上面已經有一個預熱嘅鐵板，睇餐牌好似有好多選擇咁，但係其實大阪燒、文字燒對於我來講都好似差唔多⋯⋯每一樣都要自己動手整，可以玩又可以食，雖然煮起上嚟賣相可能冇咁靚，但係由於每一樣食物調好味嘅話，味道都唔差得去邊，醬汁可以自己任意添加～玩完之後發現又要煮得好味又要煮得靚都唔係咁簡單，好彩嘅係呢塊鐵板唔會好容易整燶食物，可以放心煮，唔使怕餓親冇嘢食～我今次食既大板燒有蝦同魷魚，切到細粒易炒熟，咬落爽口，炒面有彈性，煎香豚肉再淋上醬油同海苔就食得喇，賣相無咁靚，但一樣咁好味！