更多
2020-06-18
51 瀏覽
今日去咗之前曾經風靡一時嘅吉列牛專門店,叫咗三樣嘢食。吉列牛定食($148)咖喱忌廉烏冬(牛肉)($78)Kobekyu 牛油蜜糖單骨雞翼($65)吉列牛定食已包括飯、麵豉湯、凍豆腐、車厘茄。吉列牛上檯時顏色勁靚,大約三成熟,需要放上石板再加熱,就可以享受到外脆內香既口感。咖喱忌廉烏冬可以揀牛肉或者雞肉,今次我哋就揀咗牛肉。烏冬上枱嘅時候,表面一層白色,全部都係忌廉嚟嘅,只需要將忌廉同烏冬撈勻咁就可以食啦。加咗忌廉嘅咖喱,口感特別香滑,咖喱完全掛住左喺烏冬之上,每一啖都食到烏冬加上咖喱嘅香味。單骨雞翼食落勁方便,牛油蜜糖味道非常特出,味道甜絲絲。
張貼