星期五放工嚟到the one睇戲
睇戲前就嚟食下面嘅古今二
之前食過銅鑼灣嘅古今非常滿意
聽講古今二係古今師傅嘅徒弟開
唔知係咪星期五嘅關係，好多人排隊等位，我哋等咗半個鐘。
龍捲風
芝士配搭鰻魚嘅配搭好夾，鰻魚調味唔會太甜，鹹香同芝士味好出眾
柚想蝦你
本身只係想叫個沙律做前菜，點知個沙律咁足料，啲材料鋪到成座山咁高，有生蝦刺身、中華沙律、柚子、蟹籽等等，非常豐富。
鹿兒島黑豚荔枝卷串燒
喺餐廳嘅人氣推介，大大粒嘅荔枝肉經燒之後，爆出淡淡果汁，配上豚肉嘅油脂味，非常清新。
富士山
蟹柳、鰻魚肉、牛油果、再配上薯片碎，材料豐富到名副其實好似富士山咁，鰻魚肉質嫩滑，配上清甜Creamy牛油果，加上蛋黃醬，完全可以得出食材嘅鮮味。
鹽燒白饅
外皮燒得脆脆的，肉質鮮嫩彈牙，調味適中，不過不失
