小巨蛋 (已結業)

27/6/2009 (星期六)今日下午去觀塘做完義工後回家路經太子，所以順路去試下近期的人氣店小巨疍的珍珠奶茶，那兒的位置並不顯眼，被太子地鐵站的出口擋住視線，係對面馬路都見唔到小巨疍，一定要行到入去果條街先至會見到，旁邊有瘋薯和另一家台式飲品店，最近台式飲品店真係越開越多，成為一股熱潮，行過兩條街又有另一家台式飲品店。我見黑糖幾特別又未試過，我就叫咗黑糖珍珠奶茶 ($12) 試下，趁等候珍珠奶茶的空檔，我就拿出相機來拍照，女侍應非常好人，話比我知要茂低身先至影到收銀柜枱前面小巨疍的紅色招牌。話咁快，我影完相杯珍珠奶茶就到手啦。黑糖珍珠奶茶： 杯珍珠奶茶好大杯，有很香的茶味，唔係太甜，好好飲，杯內有好多珍珠，好大粒又好好食，而且用黑糖比起用白糖和砂糖健康。