秋嵐日本料理

營業中

休息中

間唔中都去鰂魚涌食飯今次比我搵到間隱世小店必點厚切牛舌 超好食😋採用日本牛煮到中間粉嫩人均百幾蚊就食到套餐仲有多款日本料理選擇🔸極味厚切牛舌定食 $158定食套餐好豐富，除咗有主角厚切牛舌之外，仲有茶碗蒸、沙律、麵豉湯、白飯同蕨餅。牛舌非常厚身，外層燒到好焦香，切開之後內裡嘅肉質好粉嫩，食落牛味香濃，口感爽彈juicy。點埋牛舌咖喱汁就更加惹味。🔸銀雪魚西京燒御燒 $178同樣係包咗茶碗蒸、沙律、麵豉湯、白飯同蕨餅，銀雪魚嘅皮燒完後好香脆，魚肉鮮甜嫩滑，吱少少檸檬汁食就更能突出鮮味。🔸芝士年糕 $12炸到金黃香脆，裡面口感好軟綿，芝士味濃郁，仲做到拉絲效果，芝士控必點。