名人飯堂 (已結業)

今日因為工作時間有變，所以得三十分鐘食飯。同事們唯有一齊到最近公司的名人飯堂開餐，雖然叫做名人飯堂，其實係一間普普通通的茶餐廳，地方寬敞，三個同事坐一個卡位都幾舒服。下午茶時間人客唔多，得十幾個客。下午茶餐牌有個米線套餐，兩餸米線加餐茶都係三十蚊，相當抵食。本人在十幾個餸裡面揀了鮑片和雞絲做餸，清湯米線，熱咖啡。賣相幾好，湯底好味，好多米線，幾足料，所謂的鮑片也只是普通的鮑片，雞肉好滑。反而熱咖啡真係麻麻地。呢度叫做抵食，地方企理，食物中規中矩，可以再黎。