我哋叫咗炸洋蔥圈，炸得好鬆脆，鍾意食炸嘢嘅人一定會好鍾意！
鷹嘴豆配薄餅好有驚喜，鷹嘴豆非常軟嫩，即使係煎香成餅都入口即化，配埋配菜嘅薄餅配搭得好啱，好推薦嘅小食！我諗香港其他地方都比較難食到。
我哋仲叫咗燒烤串拼盤，其中嘅羊肉真係特別好食，肉質鮮嫩多汁，燒得啱啱好。食落有羊肉嘅香味，亦有淡淡嘅炭燒香氣。串拼盤裏面都有牛肉同埋雞肉，整體都好好食。雖然串燒得三串，但係配有好多薯菜，係非常飽嘅主食。
辣肉腸薄餅唔洗講一定好食！烤得好脆，餅底好香口，加埋面頭熱辣辣嘅辣肉腸同芝士，微微嘅辣味加芝士無人會say no!
