影片
更多
2016-06-12
2038 瀏覽
最近係南山邨新開左間好有Feel既甜品店，佢其實就係觀塘區既吊床休息空間「躺室」既姊妹店黎，一去到就已經見到門口有張佢地既招牌吊椅係到。而甜品店既選址都非常特別，佢位於兩間勁有港式懷舊情懷既茶餐廳中間，更加突顯出佢店內店外既裝潢散發住一種鮮明既文青氣息。即烤荷蘭班戟配雜莓楓糖燕麥 $68我今次一共叫左佢地三款甜品，第一款甜品淨係睇Menu張相就已經覺得好吸引，所以就算見到話要等二十分鐘我地都照等，結果係超值得。班戟用鐵鑊載住上枱，因為係即叫即整既關係，上枱後既鐵鑊仍然係非常辣手。而店員亦都有溫馨提醒我地要小心唔好掂到個鑊。先講主角班戟，佢Li款係Danish pancake黎既，食落都幾有蛋香，口感幾鬆軟，帶微微既甜味，連埋其他配料一齊食就岩岩好，唔會變得過份甜膩。雖然Pancake先係主角，但肯定大家同我一樣，一開始好難望到Pancake究竟係邊到，因為基本上成個Pancake既表面都鋪上滿滿既士多啤梨、藍莓同楓糖燕麥。五大粒士多啤梨好搶Fo，夠熟夠香甜，連埋藍莓一齊為成份Pancake帶黎雜莓既酸甜，感覺更Fresh更開胃！另外燕麥預先用左楓糖撈勻調味，仲加入左D果仁，成件事口感好
佢其實就係觀塘區既吊床休息空間「躺室」既姊妹店黎，
一去到就已經見到門口有張佢地既招牌吊椅係到。
而甜品店既選址都非常特別，
佢位於兩間勁有港式懷舊情懷既茶餐廳中間，
更加突顯出佢店內店外既裝潢散發住一種鮮明既文青氣息。
即烤荷蘭班戟配雜莓楓糖燕麥
$68
50 瀏覽
0 讚好
0 留言
我今次一共叫左佢地三款甜品，
第一款甜品淨係睇Menu張相就已經覺得好吸引，
所以就算見到話要等二十分鐘我地都照等，結果係超值得。
班戟用鐵鑊載住上枱，因為係即叫即整既關係，
上枱後既鐵鑊仍然係非常辣手。
而店員亦都有溫馨提醒我地要小心唔好掂到個鑊。
先講主角班戟，佢Li款係Danish pancake黎既，
食落都幾有蛋香，口感幾鬆軟，
帶微微既甜味，連埋其他配料一齊食就岩岩好，
唔會變得過份甜膩。
雖然Pancake先係主角，但肯定大家同我一樣，
一開始好難望到Pancake究竟係邊到，
因為基本上成個Pancake既表面都鋪上滿滿既士多啤梨、藍莓同楓糖燕麥。
五大粒士多啤梨好搶Fo，夠熟夠香甜，
連埋藍莓一齊為成份Pancake帶黎雜莓既酸甜，感覺更Fresh更開胃！
另外燕麥預先用左楓糖撈勻調味，仲加入左D果仁，
成件事口感好豐富之餘亦都極之健康！
感覺好似食緊一份營養值爆燈既美味早餐咁。
班戟既Size都幾大份下，
而且水果、燕麥同果仁既份量真係非．常．多！
除非你超級無敵勁肚餓或者肚生蟲，
否則我敢寫包單一個人獨食既話係絕對會食得飽。
所以要食得享受又試到其他野既話，
二人開心Share先係明智之舉。
一口菠蘿煙肉金寶
$38
45 瀏覽
1 讚好
0 留言
我自己好中意食蘋果金寶ga，
佢係香港都算係一款好Common既甜品黎，
但Li到賣既變奏版菠蘿金寶就真係唔多地方有得食啦！
菠蘿金寶整到一杯杯咁好的骰可愛，
方便客人可以一啖食一個，
岩哂要顧及形象既女神們斯斯文文咁食呢。
不過唔好睇佢細細件，
其實每杯都塞到好滿ga，
面頭D金寶脆脆多到用匙羮「不」黎食個陣會好易瀉哂出黎！
味道方面，金寶脆脆夠乾身同脆卜卜，
食落亦都幾有牛油香，
下面既菠蘿粒比焦糖蘋果多左份清甜，
好岩係炎炎夏日食！
覆盤子梳乎厘Oero撻
$56
63 瀏覽
1 讚好
0 留言
梳乎厘就聽得多啦，梳乎厘「撻」唔知你又聽過食過未？
Li款甜品係佢地既名物，
開業到依家差唔多個個去食既人都會試，
我就當然都唔會輸人一步，一於試左先講！
根據店員講解，因為Li款係「撻」黎既，
所以唔會有我地一般見開個D梳乎厘甘有脹起既效果。
撻既表面撒上左花瓣真係超級無敵浪漫！
帶心儀既女生或女朋友黎食佢一定冧爆～～～
梳乎厘食落蛋香味好重，
入面既覆盤子醬味道偏酸會好醒胃。
另外佢地仲用左Oero餅黎做撻底，
不過個人就覺得Oero餅同梳乎厘係味道上唔太夾啦。
覆盤子梳乎厘Oero撻
$56
29 瀏覽
0 讚好
0 留言
梳乎厘入面好濕，「不」起黎睇會見到有大量水泡
我會中意傳統梳乎厘鬆化綿軟既口感多D。
Oero餅底亦同樣因為相同原因而真係「淋一淋」過黎，
質感變得鬆散，無左撻底應有既實淨。
但值得一讚既係Li個構思的確創新特別，賣相亦都好吸引，
我相信店主只要調整一下效果就會好好多！
其實Li到整體黎講質素都唔錯，
甜品賣相全部都好睇得，直迫高級餐廳既質素，
而甜品既款式亦好有創意，相信後生仔女一定會中意。
不過講到我自己既話，我就最欣賞甜品店店主夠膽係石硤尾Li個非傳統旺區到試業，
佢地推廣既慢活文化亦都好適合係香港居住、生活節奏急速既我地去體驗！
大家放假既時候不妨去坐下，食下甜品，
支持小店之餘又可以俾個機會自己享受生活！
張貼
