八月花 (已搬遷) 新店位置

港島區冇曬八月，我又出左張 AE 白金，所以專程去九龍塘八月食飯，咁先可以抵返我個年費！ 八月例牌都係帶點典雅氣息，中式得嚟唔會老土。 坐位都好寬敞，唔會聽到隔離檯講野。 你知啦，有時隔離枱講啲好爆嘅嘢，我真係冇忍唔住全程都偷聽架。 上次就係聽到個女仔同兩個男仔傾計，講佢自己做小三有幾咁開心、幾咁自豪，我就真係全晚都分曬心 香脆豬板肉$48隻豬仔都幾好味，好乾身，唔鞋亦都唔肥豆腐$90呢個我覺得麻麻地，食到陣內臟味粟米斑塊 $158好味，斑塊同粟米汁分開上，好細心。知道我哋掛住傾計，攤耐左都唔會浸林晒。瑤柱杞子菜苗 $80菜苗爽口冇渣，跟上湯，送飯一流！個茶錢貴啲囉，＄13一位。