更多
2020-05-18
3075 瀏覽
餐廳嘅Tea Set有別於一貫三層架，首先隨個人喜好係餐車選擇鹹點，然後奉上自家製鬆餅，最後以餐車上嘅甜點作結，客人可自由揀選8️⃣款鹹或甜點☕️Afternoon Tea Set($688/2 persons)整體嚟講悲傷小姐覺得鹹點比甜點出色好多，今次就重點介紹我挑選嘅點心。💗Terrine Forest鵝肝醬厚度適中，細細啖已經甘香非常，充滿鵝脂香，冇內臟腥味🦆食落比起煎鵝肝冇咁油膩，入口挺身軟滑。面頭點緻一小粒栗子，非常特別。底下墊咗軟熟嘅麵包，冇乜特別，個人認為用多士會添加一份脆口🥪💗A French Twist外層嘅班戟餅皮口感軟熟，可惜食落冇咩蛋香。內裡包住滑溜彈牙嘅煙三文魚🐠煙燻鹹香味十足，完全冇腥味非常新鮮。將忌廉芝士打成泡沫忌廉狀態，味道濃郁幼滑，作出完美襯托🧀💗Seafood Reves將鮮甜十足嘅皇帝蟹肉絲同椰菜花泥層疊相間🦀口感好似慕絲咁非常順滑。上面再最鋪滿蟹肉果凍，非常新奇得意，唔會有腥味。最後蓋上一層泡沬同以飽滿嘅三文魚魚子作點綴，咬落去有少量魚油滲出🐟💗The Name of Game迷你漢堡包夾住油封鴨脾肉整成嘅漢堡扒🍔肉質嫩滑得嚟仲有絲絲肉，食落有鴨本身
☕️Afternoon Tea Set($688/2 persons)
整體嚟講悲傷小姐覺得鹹點比甜點出色好多，今次就重點介紹我挑選嘅點心。
💗Terrine Forest
鵝肝醬厚度適中，細細啖已經甘香非常，充滿鵝脂香，冇內臟腥味🦆食落比起煎鵝肝冇咁油膩，入口挺身軟滑。面頭點緻一小粒栗子，非常特別。底下墊咗軟熟嘅麵包，冇乜特別，個人認為用多士會添加一份脆口🥪
💗A French Twist
外層嘅班戟餅皮口感軟熟，可惜食落冇咩蛋香。內裡包住滑溜彈牙嘅煙三文魚🐠煙燻鹹香味十足，完全冇腥味非常新鮮。將忌廉芝士打成泡沫忌廉狀態，味道濃郁幼滑，作出完美襯托🧀
💗Seafood Reves
將鮮甜十足嘅皇帝蟹肉絲同椰菜花泥層疊相間🦀口感好似慕絲咁非常順滑。上面再最鋪滿蟹肉果凍，非常新奇得意，唔會有腥味。最後蓋上一層泡沬同以飽滿嘅三文魚魚子作點綴，咬落去有少量魚油滲出🐟
💗The Name of Game
迷你漢堡包夾住油封鴨脾肉整成嘅漢堡扒🍔肉質嫩滑得嚟仲有絲絲肉，食落有鴨本身嘅膻香味🍗用上西式香料調味襯托，味道豐富唔會過濃。面頭放上微酸嘅醃紅洋蔥，感覺變得清爽。
💗The Sweet Bao
取自「刈包」嘅概念🌮外層嘅饅頭因為涷咗所以偏硬。夾住嘅豬腩片肥瘦比例適中，可惜過薄冇哂口感🐷用上椰菜絲、紅蘿蔔絲同蘋果薄片中和腩肉嘅油膩感，醃上美式BBQ醬汁，酸酸甜甜咁非常開胃。
💗Freshly- Baked Scone
表層焗至金黃微脆，中間口感鬆化濕潤，食落有淡淡蛋香，仲有提子乾增加口感同甜味，唔覺得太油膩🧁另外配有充滿忌廉香嘅Clotted Cream同軟滑嘅Whipped Butter🧈自家製嘅果醬分別有士多啤梨🍓、橘子🍊同杏桃🍑三款，但質地好稀，果味相對較淡，而且冇帶果肉。
💗Pumpkin
北海道南瓜忌廉芝士慕絲🎃慕絲口感細滑，但味道完全失望。加咗薑入饌，完全蓋哂南瓜同芝士味，而悲傷小姐係完全唔食薑，可以講係完全中伏，仲要甜到漏真係不了不了😭勝在餅底用朱古力和山核桃，脆脆地幾香口。
💗Chestnut Baba
栗子蛋白脆餅🌰栗子忌廉慕絲幼滑濃郁，帶少許冧酒味🥃內𥚃仲有栗子碎粒增加口感。底下用蛋白糖霜脆餅墊底，食落脆脆地，但整體嚟講偏甜。
💗Chocolate Banana
朱古力香蕉麵包布甸，用上72%黑朱古力，食落濃郁帶微苦🍫中間夾住嘅香蕉係用火槍燒過，所以有陣焦香好特別🍌整體唔會太甜，兩者都係perfect match。不過布甸嘅質感偏硬，冇咗軟綿嘅麵包口感。
Homemade Pastries
45 瀏覽
0 讚好
0 留言
Finger Sandwiches and Savouries
36 瀏覽
1 讚好
0 留言
Freshly- Baked Scones
30 瀏覽
0 讚好
0 留言
張貼
