影片
更多
2021-04-14
1429 瀏覽
因為自己生日，可以食好d，咁就試下on list 的嘉麟樓。裝修真係好古色古香，背景音樂係有電視劇裏面夜上海的感覺。一般去到高級酒樓，就會點普洱茶，係可以試得出酒樓究竟對茶葉有幾注重。我香港交流的普洱茶唔錯，幾香醇。由於唔知點揀，所以直接叫左個人頭價$688 的套餐，另外爸爸想試下燒味，再額外叫多個化皮乳豬，部長好好，提醒我地可能會太多，建議我地要半份就好了。當然我地覺得要一整份都無問題的。首先上台的係叉燒拼海蜇頭，厚切叉燒，肥瘦剛剛好，但對我來說味道偏甜，至於海蜇頭好爽脆。然後就是化皮乳豬，鬆脆的皮及肉中間夾了一片麵包，爸爸表示真係入口職化，好好食，我麵認同的。接著是幾味海鮮主菜，我覺味食材和醬料的味道不調和，甚至乎互相搶風頭。反而個瑤柱羹係好出色，好香好足料，滿滿一口都是瑤柱，但我就建議可以省略切絲的花膠，切成絲的花膠失去了花膠原有煙銀充滿膠質口感。火鴨炒飯好夠鑊氣，我食到啖啖肉。全個餐最出色的係蛋白杏仁茶，我食過最好味的蛋白杏仁茶，蛋白真係好滑，我估計打蛋白係輕輕蒸過，在碗底成形，再沖杏仁茶落去，食到我心心眼。最後係送的美點相輝，一見到個籠就想帶返屋企，合桃酥好食，椰汁糕我只可以
因為自己生日，可以食好d，咁就試下on list 的嘉麟樓。
裝修真係好古色古香，背景音樂係有電視劇裏面夜上海的感覺。一般去到高級酒樓，就會點普洱茶，係可以試得出酒樓究竟對茶葉有幾注重。我香港交流的普洱茶唔錯，幾香醇。
由於唔知點揀，所以直接叫左個人頭價$688 的套餐，另外爸爸想試下燒味，再額外叫多個化皮乳豬，部長好好，提醒我地可能會太多，建議我地要半份就好了。當然我地覺得要一整份都無問題的。
首先上台的係叉燒拼海蜇頭，厚切叉燒，肥瘦剛剛好，但對我來說味道偏甜，至於海蜇頭好爽脆。
然後就是化皮乳豬，鬆脆的皮及肉中間夾了一片麵包，爸爸表示真係入口職化，好好食，我麵認同的。
接著是幾味海鮮主菜，我覺味食材和醬料的味道不調和，甚至乎互相搶風頭。反而個瑤柱羹係好出色，好香好足料，滿滿一口都是瑤柱，但我就建議可以省略切絲的花膠，切成絲的花膠失去了花膠原有煙銀充滿膠質口感。
火鴨炒飯好夠鑊氣，我食到啖啖肉。
全個餐最出色的係蛋白杏仁茶，我食過最好味的蛋白杏仁茶，蛋白真係好滑，我估計打蛋白係輕輕蒸過，在碗底成形，再沖杏仁茶落去，食到我心心眼。
最後係送的美點相輝，一見到個籠就想帶返屋企，合桃酥好食，椰汁糕我只可以講唔係我杯茶。
特別提一提，我全家都好鍾意食餐前小食，糖炒合桃，都好正，唔夠可以添的。
整體黎講服務好好，令到成個套餐更上一層樓。
張貼
